ഉത്തര്‍ പ്രദേശ് ഭീകരവിരുദ്ധ സ്‌ക്വാഡ് പിടികൂടിയ ജയ്ഷ്-ഇ-മുഹമ്മദ് ഭീകരര്‍ രണ്ട് ദിവസത്തെ റിമാന്‍ഡില്‍. ഇവരെയും കൂട്ടി ഭീകരവിരുദ്ധ സ്‌ക്വാഡ് ലഖ്‌നൗവിലേക്കാണ് പുറപ്പെട്ടിട്ടുള്ളത്.
ഷാനവാസ് അഹ്മദ് തെലി, അക്കീബ് അഹ്മദ് എന്നിവരാണ് പിടിയിലായത്. ഇതില്‍ ഷാനവാസ് ജയ്ഷിന് വേണ്ടി റിക്രൂട്ട്‌മെന്റ് നടത്തിയിട്ടുണ്ടെന്ന് സൂചനയുണ്ട്. ഇതേപ്പറ്റി അന്വേഷിക്കുമെന്ന് ഉത്തര്‍ പ്രദേശ് ഡി.ജി.പി വ്യക്തമാക്കിയിട്ടുണ്ട്.
കൂടാതെ പുല്‍വാമയില്‍ നടന്ന ആക്രമണത്തിലും ഇവര്‍ക്ക് പങ്കുണ്ടോയെന്നും അന്വേഷിക്കുന്നതായിരിക്കും.
Discussion about this post