മുന്നറിയിപ്പില്ലാതെ ഡാമുകള്‍ തുറന്നതാണ് പ്രളയകാരണമെന്ന അമിക്കസ് ക്യൂറി റിപ്പോര്‍ട്ട് മഹാപ്രളയം സംസ്ഥാന സര്‍ക്കാര്‍ നിര്‍മ്മിതമായിരുന്നുവെന്ന് വ്യക്തമാക്കുന്നതാണെന്ന് ബിജെപി സംസ്ഥാന അദ്ധ്യക്ഷന്‍ പി.എസ് ശ്രീധരന്‍ പിള്ള .
450 ലേറെ പേരുടെ ജീവന്‍ നഷ്ടപ്പെട്ടതിന്റെ ഉത്തരവാദിത്തത്വം ഏറ്റെടുത്ത് മുഖ്യമന്ത്രി പിണറായി വിജയന്‍ രാജിവയ്ക്കണം. മുഖ്യമന്ത്രിയ്ക്കും വൈദ്യുതിമന്ത്രിയ്ക്കും ബന്ധപ്പെട്ട ഉദ്യോഗസ്ഥര്‍ക്കും എതിരെ നരഹത്യയ്ക്ക് കേസെടുക്കണം . കേരളം കണ്ടതിലേറ്റവും വലിയ പ്രകൃതിദുരന്തത്തിന്റെ ഉത്തരവാദിത്വത്തില്‍ നിന്നും സര്‍ക്കാരിന് ഒളിച്ചോടുവാന്‍ സാധിക്കില്ല .
സര്‍ക്കാര്‍ ജനങ്ങളോട് മറുപടി പറയണം . സര്‍ക്കാര്‍ നിര്‍മ്മിതമാണ് ദുരന്തം എന്ന് വ്യക്തമായ സ്ഥിതിയ്ക്ക് ദുരിതബാധിതര്‍ക്കുള്ള നഷ്ടപരിഹാര തുക ഇരട്ടിയാക്കണം എന്നും നഷ്ടപരിഹാരം നല്‍കുന്നതിലെയും പുനര്‍നിര്‍മ്മാണ-പുനരധിവാസത്തിലേയും വീഴ്ചകള്‍ അന്വേഷിക്കണമെന്നും അദ്ദേഹം ആവശ്യപ്പെട്ടു .
രക്ഷാപ്രവര്‍ത്തനത്തിന് എത്തിയ കേന്ദ്ര സേനകള്‍ക്ക് എതിരെയും കേന്ദ്ര സര്‍ക്കാരിന് എതിരെയും സിപിഎമ്മും സര്‍ക്കാരും വ്യാജപ്രചരണം നടത്തിയത് വീഴ്ച മറച്ചുവെക്കനായിരുന്നു എന്ന് ഇതോടെ വ്യക്തമായതായി അദ്ദേഹം പറഞ്ഞു .
ബിജെപി തുടക്കം മുതല്‍ തന്നെ സര്‍ക്കാരാണ് ദുരന്തത്തിന് കാരണമെന്ന് വ്യക്തമാക്കിയിരുന്നു . എന്നാല്‍ വ്യാജപ്രചാരണങ്ങള്‍ വഴി ഇതില്‍ നിന്നെല്ലാം ഒളിച്ചോടാനായിരുന്നു സര്‍ക്കാര്‍ ശ്രമമെന്നും ബിജെപി അന്ന് പറഞ്ഞതെല്ലാം ശരിവയ്ക്കുന്നതാണ് അമിക്കസ് ക്യൂറി റിപ്പോര്‍ട്ട് എന്നും ശ്രീധരന്‍പിള്ള പറഞ്ഞു .
Discussion about this post