തിരുവിതാംകൂര്‍ ദേവസ്വം ബോര്‍ഡ് കടുത്ത സാമ്പത്തിക പ്രതിസന്ധിയില്‍. ശമ്പളം കൊടുക്കാന്‍ പോലും സാധിക്കാത്ത തരത്തിലുള്ള പ്രതിസന്ധിയിലേക്കാണ് ദേവസ്വം ബോര്‍ഡ് നീങ്ങുന്നതെന്നാണ് സൂചന. ബോര്‍ഡിന് ബജറ്റ് സഹായമായി സര്‍ക്കാര്‍ പ്രഖ്യാപിച്ച 100 കോടി രൂപയില്‍ ഒരു രൂപ പോലും നല്‍കിയിട്ടില്ല. ആദ്യ ഗഡുവായി 20 കോടി നല്‍കുമെന്ന് പറഞ്ഞിരുന്നുവെങ്കിലും ഇതില്‍ നിന്ന് ഒന്നും ബോര്‍ഡിന് ലഭിച്ചിട്ടില്ല.
ധനലക്ഷ്മി ബാങ്കിലുള്ള ബോര്‍ഡിന്റെ കരുതല്‍ ധനത്തില്‍ നിന്ന് അത്യവശ്യമല്ലാത്ത മരാമത്ത് പണികള്‍ക്കായി പണമെടുത്തതും പ്രശ്നം വഷളാക്കി. കൂടാതെ ശബരിമലയില്‍ ലേലം എടുക്കാന്‍ ആളെത്താത്തും പ്രതിസന്ധി ഗുരുതരമാക്കി. ചട്ടവിരുദ്ധമായാണ് ബോര്‍ഡിന്റെ നിക്ഷേപം പണയം വെച്ച് 30 കോടി രൂപ വായ്പയെടുത്തത്. അതിനാല്‍ നിക്ഷേപത്തില്‍ നിന്ന് പലിശ ലഭിക്കാത്ത സാഹചര്യവുമാണ്.
ശബരിമല യുവതി പ്രവേശന വിധിയെ തുടര്‍ന്നുണ്ടായ പ്രശ്‌നങ്ങളെ തുടര്‍ന്നുണ്ടായ സാമ്പത്തിക പ്രതിസന്ധികള്‍ തിരുവിതാംകൂര്‍ ദേവസ്വം ബോര്‍ഡില്‍ രൂക്ഷമായിരിക്കുകയാണ്. യുവതി പ്രവേശന വിധിയുടെ ഭാഗമായുണ്ടായ സാമ്പത്തിക പ്രതിസന്ധി എത്ര വലുതായാലും സാമ്പത്തിക സഹായം നല്‍കുമെന്ന് സര്‍ക്കാര്‍ പറഞ്ഞിരുന്നതാണ്.എന്നാലിപ്പോല് വാക്കു പാലിക്കാതെ സര്‍ക്കാരിന്റെ കണ്ണ് പൊത്തി ക്കളി ബോര്‍ഡിനെ ആകെ ആശങ്കയിലാക്കിയിരിക്കുകയാണ്
സാമ്പത്തിക പ്രതിസന്ധി പരിഹരിക്കാന്‍ സാധിച്ചില്ലെങ്കില്‍ അടുത്ത മാസത്തെ ശമ്പളവും പെന്‍ഷനുമടക്കം മുടങ്ങുന്ന അവസ്ഥയിലാണിപ്പോള് ബോര്‍ഡ്.
Discussion about this post