ഫുകുവോക: ലോകത്തിലെ ഏറ്റവും പ്രായം കൂടിയ ജാപ്പനീസ് വൃദ്ധയായ കെൻ തനകയ്ക്ക് ഗിന്നസ് വേൾഡ് റെക്കോർഡ്സ് ഓർഗനൈസേഷൻറെ അംഗീകാരം. ജനുവരി 2 നാണ് തനക തന്റെ 118-ആം ജന്മദിനം ആഘോഷിച്ചത്. 1903 ജനുവരി 2 നാണ് തനക ജനിച്ചത്.
പ്രായത്തിൻറെ രഹസ്യത്തെക്കുറിച്ച് ഒരു ജാപ്പനീസ് റിപ്പോർട്ടർ ചോദിച്ചപ്പോൾ, ഭക്ഷണം കഴിക്കാനും പഠിക്കാനുമാണ് താനക ഉപദേശിച്ചത്. 120 വർഷം ജീവിക്കുക എന്നതാണ് ജീവിതത്തിലെ തന്റെ ലക്ഷ്യമെന്നും തനക പറയുന്നു. ജപ്പാനിലെ ഫുക്കുവോക്കയിലെ ഒരു നഴ്സിംഗ് ഹോമിലാണ് താനക ഇപ്പോൾ താമസിക്കുന്നത്.
ജപ്പാനിൽ കൊറോണ വ്യാപനം രൂക്ഷമാണെങ്കിലും സുരക്ഷാ മാനദണ്ഡങ്ങൾ കർശനമാക്കിയാണ് തനകയുടെ ജീവിതം. തനകയ്ക്ക് മുൻപ് നബി താജിമ എന്ന വൃദ്ധയായിരുന്നു ഈ റെക്കോർഡിന് ഉടമ. 2018 ഏപ്രിലിൽ 117 വയസ്സുള്ളപ്പോൾ ആണ് നബി താജിമ മരിച്ചത്.
Discussion about this post