ഈ വരുന്ന 2021 റിപ്പബ്ലിക് ദിനത്തിൽ, അയോദ്ധ്യയിൽ നിർമ്മിക്കാനിരിക്കുന്ന രാമക്ഷേത്രത്തിന്റെ മാതൃകയെ ആണ് ടാബ്ലോയായി ഉത്തർപ്രദേശ് സർക്കാർ പ്രദർശിപ്പിക്കാൻ തീരുമാനിച്ചിരിക്കുന്നത്. അയോദ്ധ്യ, ശ്രീരാമൻ എന്നിവരുമായി ബന്ധപ്പെട്ട സംസ്കാരം, പാരമ്പര്യം, കല എന്നിവ (വിവിധ രാജ്യങ്ങളിലേതും) യുപി സർക്കാർ പ്രദർശിപ്പിക്കും. ‘ഹെറിറ്റേജ് ഓഫ് ഉത്തർപ്രദേശ് ‘റിപ്പബ്ലിക് ദിന പരേഡിനായി സംസ്ഥാന സാംസ്കാരിക വകുപ്പ് ആണ് തയ്യാറാക്കുന്നത്.
ഉത്തർപ്രദേശിന്റെ ‘സാംസ്കാരിക പൈതൃകം’ 2021 ലെ റിപ്പബ്ലിക് ദിന പരേഡിൽ രാമക്ഷേത്ര മാതൃക കൂടാതെ ശ്രീരാമദേവനേയും , സീത ദേവിയെയും ചിത്രീകരിക്കുന്ന ദൃശ്യങ്ങളുമുണ്ടാകും . ഉത്തർപ്രദേശ് സർക്കാരിന്റെ പ്രൊപോസൽ കേന്ദ്രസർക്കാർ അംഗീകരിച്ചതിനാൽ ഇതിന്റെ തയാറെടുപ്പുകൾ അന്തിമ ഘട്ടത്തിലാണ് .സാമൂഹ്യ ഐക്യത്തിന്റെ രൂപങ്ങളും, രാമായണത്തിലെ രംഗങ്ങളും അയോദ്ധ്യയോടൊപ്പം ഉൾപ്പെടുത്താനും പദ്ധതിയിട്ടിട്ടുണ്ട്. അതെ സമയം ശ്രീരാമനായി വേഷമിടുന്ന ആളിന്റെ കോവിഡ് പരിശോധനയും നടത്തി.
ദീപാവലി ദിനത്തില് കൊളുത്തിയ റെക്കോര്ഡ് ദീപാലങ്കാരത്തിന്റെ മാതൃകയും യുപി സര്ക്കാര് ഉള്ക്കൊള്ളിക്കും. ദീപാവലിക്ക് ആറ് ലക്ഷം ദീപങ്ങളാണ് അയോധ്യയില് തെളിയിച്ചത്. ദീപാവലി ആഘോഷങ്ങളുടെ ഭാഗമായി 45 മിനുട്ടോളമാണ് ദീപങ്ങള് തെളിയിച്ചത് .ഇത് ഗിന്നസ് ബുക്കിലും ഇടം പിടിച്ചിരുന്നു . രാമായണവും ഉള്പ്പെടുത്തുന്നത് സര്ക്കാര് പരിഗണിക്കുന്നുണ്ട്. പ്രധാനമന്ത്രി നരേന്ദ്ര മോദി, യുപി മുഖ്യമന്ത്രി യോഗി ആദിത്യനാഥ് എന്നിവര് ചടങ്ങില് പങ്കെടുത്തിരുന്നു.
Discussion about this post