കൊച്ചി : കോഴിക്കോട് ആസ്ഥാനമായി മലബാര് സംസ്ഥാനം’ രൂപീകരിക്കാന് തെലങ്കാന മോഡല് സമരവുമായി തെരുവിലിറങ്ങണമെന്ന ആഹ്വാനവുമായി സമസ്ത കേരള സുന്നി സ്റ്റുഡന്റ്സ് ഫെഡറേഷന് മുഖപത്രത്തിന്റെ എഡിറ്റര് അന്വര് സാദിഖ് ഫൈസി.
ആരോഗ്യ മേഖലയുടെ മികവ് കാണിക്കാന് കേരള സര്ക്കാര് നല്കിയ പത്ര പരസ്യം ചൂണ്ടിക്കാട്ടിയുള്ള പോസ്റ്റില് മുഖ്യമന്ത്രി ഉള്പ്പെടെയുള്ളവര് ആഴ്ചയില് 3 ദിവസം തങ്ങുന്ന വിധം അഡീഷണല് സെക്രട്ടറിയേറ്റ് ഉള്പ്പടെയുള്ള ഭരണ കേന്ദ്രങ്ങള് മലബാറില് സ്ഥാപിച്ച് ഇവിടെ പ്രത്യേക പാക്കേജ് നടപ്പിലാക്കണമെന്ന ആവശ്യവും ഫൈസി ഉന്നയിക്കുന്നു.
മാറി മാറി വന്ന സര്ക്കാറുകള് മലബാറിനോട് കാണിച്ചിട്ടുള്ള വിവേചനത്തിന്റെ ഒടുവിലെ ഉദാഹരണമാണ് സര്ക്കാരിന്റെ പരസ്യത്തില് കാണുന്നതെന്നും , മലബാറില് പ്ലസ്ടുവിന് സീറ്റുകിട്ടാതെ പതിനായിരങ്ങള് അലയുമ്പോള്, തിരു-കൊച്ചിയില് പതിനായിരകണക്കിന് സീറ്റുകളാണ് ആളില്ലാതെ ബാക്കിയാവുന്നതെന്നും ഫൈസി ഫേസ്ബുക്ക് പോസ്റ്റില് പറയുന്നു.
മലബാറിലെ മത-സാംസ്കാരിക-രാഷ്ട്രീയ പ്രസ്ഥാനങ്ങള്ക്കെല്ലാം ഇതില് ഉത്തരവാദിത്വം ഉണ്ടെന്നും, പാര്ട്ടികള് തെരഞ്ഞെടുപ്പ് മാനിഫെസ്റ്റോകള് തയാറാക്കുന്ന ഈ സമയത്ത് ഇക്കാര്യം ഉറക്കെ പറഞ്ഞേ പറ്റൂവെന്നും അന്വര് സാദിഖ് ഫൈസി പറയുന്നു.
Discussion about this post