തിരുവനന്തപുരം: മുതിര്‍ന്ന കോണ്‍ഗ്രസ് നേതാവ് എ.കെ. ആന്റണിക്കെതിരെ ബിജെപി തെരഞ്ഞെടുപ്പ് കമ്മിഷന് പരാതി നല്‍കും. കേരളത്തില്‍ ബിജെപി അക്കൗണ്ട് തുറന്നാല്‍ സംസ്ഥാനത്ത് വര്‍ഗീയ കലാപമുണ്ടാകുമെന്ന പ്രസ്താവനയ്‌ക്കെതിരെയാണ് പരാതി. ഇത് മതത്തിന്റെ അടിസ്ഥാനത്തില്‍ സമൂഹത്തെ വിഭജിക്കാനുള്ള ശ്രമത്തിന്റെ ഭാഗമാണെന്ന് ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍ പറഞ്ഞു.
തിരുവനന്തപുരത്ത് നടന്ന മീറ്റ് ദി പ്രസ് പരിപാടിയിലായിരുന്നു ആന്റണിയുടെ പരാമര്‍ശം. നിയമസഭാ തെരഞ്ഞെടുപ്പില്‍ ബിജെപി അക്കൗണ്ട് തുറന്നാല്‍ മതസൗഹാര്‍ദം തകരുമെന്നും ബിജെപി സാന്നിധ്യമില്ലാത്ത നിയമസഭയാണ് കേരളത്തില്‍ വരേണ്ടതെന്നും ആന്റണി പറഞ്ഞിരുന്നു.
Discussion about this post