തിരുവനന്തപുരം ; ഫ്ലാറ്റ് സമുച്ചയത്തില് നിന്ന് അവിവാഹിതരായ വാടകക്കാർ ഒഴിയണമെന്ന് ആവശ്യപ്പെട്ട് ഫ്ളാറ്റ് ഓണേഴ്സ് അസോസിയേഷൻ. പട്ടം ഹീര ട്വിൻസ് ഫ്ലാറ്റ് അസോസിയേഷനാണ് അവിവാഹിതരായ താമസക്കാർ 2 മാസത്തിനുള്ളിൽ ഒഴിയണമെന്ന് നിർദേശിച്ചിരിക്കുന്നത് .
അവിവാഹിതര് എതിര്ലിംഗക്കാരെ ഫ്ളാറ്റില് പ്രവേശിപ്പിക്കരുതെന്നും രക്തബന്ധത്തിലുള്ളവര്ക്കു മാത്രമായിരിക്കും പ്രവേശനമെന്നും വ്യക്തമാക്കുന്ന സര്ക്കുലര് നോട്ടീസ് ബോര്ഡില് പതിച്ച് കഴിഞ്ഞു. ഫ്ലാറ്റിലെ താമസക്കാരുടെ ഭാഗത്തുനിന്നു പൊതു അച്ചടക്കം ലംഘിക്കുന്ന പ്രവര്ത്തനങ്ങള് ഉണ്ടായതിനാലാണ് നോട്ടീസ് പതിച്ചതെന്ന് അസോസിയേഷന് ഭാരവാഹികള് പറഞ്ഞു.
ജനുവരി മൂന്നിനാണ് ഫ്ലാറ്റിലെ അവിവാഹിതരായ വാടകക്കാർക്ക് അസോസിയേഷൻ ഭാരവാഹികൾ നോട്ടീസ് നൽകിയത്. മാത്രമല്ല അവിവാഹിതർ എതിർ ലിംഗക്കാരുമായി സംസാരിക്കാൻ ബേസ്മെന്റ് ഉപയോഗിക്കണം എന്നും നിർദേശമുണ്ട്. മാതാപിതാക്കളുടേയോ രക്ഷിതാവിന്റെയോ ഫോണ് നമ്പര് രജിസ്റ്ററില് രേഖപ്പെടുത്തണം. വാച്ച്മാനുമായി തര്ക്കത്തില് ഏര്പ്പെട്ടാല് പോലീസിനെയും, മാതാപിതാക്കളെയും അറിയിക്കുമെന്നും നോട്ടീസിൽ പറയുന്നു.











