പെരുന്ന: കോണ്ഗ്രസ് നേതൃത്വത്തെ തള്ളിപ്പറഞ്ഞും ശശി തരൂരിനെ പുകഴ്ത്തിയും എന് എസ് എസ് ജനറല് സെക്രട്ടറി ജി സുകുമാരന് നായര്. ദി ന്യൂ ഇന്ത്യൻ എക്സ്പ്രസിന് നല്കിയ അഭിമുഖത്തിലാണ് അദ്ദേഹത്തിന്റെ പ്രശംസ . പ്രതിപക്ഷ നേതാവ് വി.ഡി സതീശനും കോണ്ഗ്രസ് നേതാവ് രമേശ് ചെന്നിത്തലക്കുമെതിരെ രൂക്ഷ വിമര്ശനവും അദ്ദേഹം ഉന്നയിച്ചിട്ടുണ്ട്.
ശശി തരൂർ തറവാടി നായർ ആണ്. പ്രധാനമന്ത്രി ആകാന് യോഗ്യതയുള്ളയാളാണ് ശശിതരൂരെന്നും സുകുമാരന് നായര് അഭിമുഖത്തില് പറഞ്ഞു. ഇന്ത്യയുടെ പ്രധാനമന്ത്രിയാകാന് യോഗ്യനായ വ്യക്തിയാണ് ശശി തരൂരെന്ന് സുകുമാരന് നായര് അഭിപ്രായപ്പെട്ടു. പക്ഷെ കൂടെനില്ക്കുന്നവര് അതിന് സമ്മതിച്ചില്ലെങ്കില് എന്തുചെയ്യാനാകും.
അധോഗതി എന്നല്ലാതെ വല്ലതും പറയാനുണ്ടോ ? ഡല്ഹി നായര് എന്ന് വിളിച്ച തെറ്റ് തിരുത്താനാണ് തരൂരിനെ പെരുന്നയിലേക്ക് വിളിച്ചത്. തരൂരിനെ വിളിച്ചതില് നായര്മാരായ മറ്റ് കോണ്ഗ്രസുകാര്ക്ക് വിഷമം ഉണ്ടായിട്ടുണ്ട്. തരൂര് ഉള്ളത് കൊണ്ട് ചിലര്ക്ക് പെരുന്നയില് വരാന് ആഗ്രഹം ഇല്ലായിരിന്നു. അത് അവരുടെ അല്പ്പത്തരം ആണ്. ഒരു നായര്ക്ക് മറ്റൊരു നായരെ കണ്ട് കൂടാ എന്നത് മന്നത്തിന്റെ കാലം മുതല് കേട്ടിട്ടുണ്ട്…തരൂരിന്റെ പ്രവര്ത്തനവും അറിവും ലോകപരിചയവും ശരിക്ക് മനസിലാക്കാന് കഴിഞ്ഞപ്പോള് അദ്ദേഹം ഒരു വിശ്വപൗരനായ കേരളീയനാണെന്ന് ബോധ്യമായി.
ഇത്രയും അറിവുള്ള ഒരു മനുഷ്യന് ആരുണ്ടെന്നും അദ്ദേഹം ചോദിച്ചു. പിണറായി വിജയൻ ഗവൺമെന്റില് ഒരു നന്മയും തനിക്ക് കാണാനാവുന്നില്ലെന്നും സുകുമാരന് നായര് പറഞ്ഞു. മന്നം ജയന്തി നെഗോഷ്യബിൾ ഇൻസ്ട്രുമെന്റസ് ആക്ട് പ്രകാരമുള്ള അവധിയാക്കണമെന്ന ആവശ്യം സർക്കാർ പരിഗണിക്കുന്നില്ല.കോണ്ഗ്രസിനെതിരെ വലിയ വിമര്ശനമാണ് സുകുമാരന് നായര് അഭിമുഖത്തില് നടത്തിയത്. കേരളത്തിൽ പ്രതിപക്ഷം ഉണ്ടോയെന്നും സുകുമാരന് നായര് ചോദിച്ചു.











