കൊച്ചി: കഞ്ഞിയും കപ്പയും എല്ലാം ചൂടോടെ വിളമ്പിയിരുന്ന മലയാളിയുടെ തീൻമേശയിലേക്ക് എത്ര പെട്ടെന്നാണ് കുഴിമന്തിയും അൽഫാമും പോലുള്ള വിഭവങ്ങൾ എത്തി സ്ഥാനം പിടിച്ചത്.
എത്ര വാശിപിടിച്ചാലും ഹോട്ടൽ ഭക്ഷണം ഇന്ന് ഒഴിവാക്കാനാവില്ല. അങ്ങനെ ഒഴിവാക്കേണ്ട ഒന്നല്ല ഹോട്ടൽ ഭക്ഷണം. തിരക്കേറിയ ജീവിതത്തിനിടയ്ക്ക് ഒന്ന് റിലാക്സ് ആവാനും ഇഷ്ടപ്പെട്ട വിഭവം കഴിക്കാനും ഒന്ന് അടുക്കളയിൽ കയറാതെ വിശ്രമിക്കാനും ഹോട്ടൽ ഭക്ഷണത്തെ ആശ്രയിക്കുന്നതിൽ തെറ്റില്ല. അവ മായം ചേർത്തും, വൃത്തിയില്ലാത്ത സാഹചര്യത്തിൽ പാകം ചെയ്തും വിളമ്പിയും തരുമ്പോഴാണ് പ്രശ്നം. ഇത് കാരണം ഭക്ഷ്യവിഷബാധയിലൂടെ നിരവധി ജീവനുകളാണ് പൊലിയുന്നത്.
ഭക്ഷ്യവിഷബാധ മരണങ്ങൾ കേരളത്തിൽ തുടർക്കഥയാകുമ്പോൾ പ്രസാദ് പോൾ എന്നയാളുടെ ഫേസ്ബുക്ക് കുറിപ്പ് ചർച്ചയാവുകയാണ്. മലയാളിയുടെ ഒരുപാട് ആശങ്കകൾക്കും ചോദ്യങ്ങൾക്കും ഉത്തരം നൽകുന്ന പോസ്റ്റ് വളരെ വേഗമാണ് ആളുകൾ ഏറ്റെടുത്തിരിക്കുന്നത്.
ഫാസ്റ്റ്ഫുഡ്’ എന്ന ഗണത്തിൽ പെടുത്താവുന്ന സകലതും വിഷം ചേർത്തവയാണ്.
ആരാണ്, എങ്ങിനെയാണ്, എപ്പോഴാണ് ഇവയിൽ വിഷം ചേർക്കുന്നതെന്ന് അദ്ദേഹം ചോദിക്കുന്നു. സത്യത്തിൽ ആരും മനഃപ്പൂർവ്വം വിഷം ചേർക്കുന്നില്ല, പക്ഷേ അവയെല്ലാം ഉണ്ടാക്കുന്ന രീതിയാണ് അവയിൽ മാരകമെന്ന് വിളിക്കാവുന്ന വിഷങ്ങളുടെ ഒരു സംഘത്തെ തന്നെ ചേർക്കുന്നത്. അത് കഴിക്കുന്നവരിൽ കാണാൻ തുടങ്ങിയ, വളരെ ഉയർന്ന നിരക്കിലുള്ള പലവിധ ഹൃദ്രോഗങ്ങൾ, കാൻസർ, ഞരമ്പ് സംബന്ധിയായ രോഗങ്ങൾ, മറവി രോഗങ്ങൾ ഒക്കെയാണ് ഇവയാണ് പ്രതിയെന്ന കണ്ടെത്തലിൽ എത്തിച്ചതെന്ന് അദ്ദേഹം കൂട്ടിച്ചേർത്തു.
ഫേസ്ബുക്ക് കുറിപ്പിന്റെ പൂർണ്ണ രൂപം











