ടോക്യോ: മലയാളത്തിന്റെ പ്രിയങ്കരനായ സൂപ്പർ സ്റ്റാർ മോഹൻലാലിന് ഇന്ന് മുപ്പത്തിയഞ്ചാം വിവാഹ വാർഷികം. വിവാഹവാർഷികത്തിൽ താരത്തിന് ആശംസകൾ നേർന്ന് നിരവധി പേർ രംഗത്ത് വന്നിരുന്നു. ഇപ്പോൾ ജപ്പാന്റെ തലസ്ഥാനമായ ടോക്യോയിൽ നിന്നുമുള്ള വിവാഹ വാർഷികാഘോഷങ്ങളുടെ ചിത്രങ്ങൾ പങ്കുവെച്ചിരിക്കുകയാണ് താരം.
ഭാര്യ സുചിത്രയുമൊത്ത് കേക്ക് മുറിച്ച് ആഘോഷിക്കുന്നതിന്റെ ചിത്രമാണ് മോഹൻലാൽ സാമൂഹിക മാദ്ധ്യമങ്ങളിൽ പങ്കുവെച്ചിരിക്കുന്നത്. ‘ടോക്യോയിൽ നിന്നും പ്രണയപൂർവം: പ്രണയത്തിന്റെയും ആത്മപങ്കാളിത്തത്തിന്റെയും മുപ്പത്തിയഞ്ചാം വാർഷികം ആഘോഷിക്കുന്നു‘ എന്ന തലക്കെട്ടിലാണ് മോഹൻലാൽ ചിത്രം പങ്കുവെച്ചിരിക്കുന്നത്. ഒരാഴ്ച മുൻപാണ് അവധിക്കാലം ആഘോഷിക്കാൻ മോഹൻലാലും കുടുംബവും ജപ്പാനിലെത്തിയത്.
പ്രമുഖ തമിഴ് നടനും നിർമ്മാതാവുമായ കെ ബാലാജിയുടെ മകളായ സുചിത്രയെ 1988 ഏപ്രിൽ 28നാണ് മോഹൻലാൽ വിവാഹം കഴിച്ചത്. ആറ്റുകാൽ ഭഗവതി ക്ഷേത്രത്തിൽ വെച്ചായിരുന്നു വിവാഹം.
