പത്തംനംതിട്ട; ട്രാന്സ്ഫോമറില് ഇഴഞ്ഞു കയറിയ പെരുമ്പാമ്പ് ഷോക്കേറ്റു ചത്തു. പത്തനംതിട്ട നാരങ്ങാനത്ത് ആണ് സംഭവം. ഞായറാഴ്ച രാവിലെയാണ് ട്രാന്സ്ഫോമറില് പെരുമ്പാമ്പ് കിടക്കുന്നത് നാട്ടുകാരുടെ ശ്രദ്ധയിൽപ്പെട്ടത്. തുടർന്നു നടത്തിയ പരിശോധനയിൽ ഇതു ചത്തെന്നു വ്യക്തമായി. ട്രാൻസ്ഫോമറിൻറെ ഉള്ളിലേക്ക് ഇഴഞ്ഞ് കയറിയ നിലയിലാണ് പെരുമ്പാമ്പിൻറെ ജഡം കാണപ്പെട്ടത്.
റാന്നി ഫോറസ്റ്റ് സ്റ്റേഷനിൽ നിന്ന് അറിയിച്ചതു പ്രകാരം വനപാലകർ എത്തി പെരുമ്പാമ്പിനെ കൊണ്ടുപോകുകയും കുഴിച്ചിടുകയും ചെയ്തു. മഴ തുടങ്ങിയതോടെ ഇഴ ജന്തുക്കളുടെ ശല്യം രൂക്ഷമായെന്നാണ് നാട്ടുകാർ പറയുന്നത്.












