ആലുവ : കഴിഞ്ഞദിവസം ആലുവയിൽ അഞ്ചു വയസ്സുകാരി പെൺകുട്ടി കൊല്ലപ്പെട്ട സംഭവത്തിൽ പ്രതിഷേധം സംഘടിപ്പിച്ച് എബിവിപി എറണാകുളം ജില്ല കമ്മിറ്റി. ഭരണകൂടത്തിന്റെയും പോലീസിന്റെയും നിഷ്ക്രിയത്വത്തിനെതിരെ ആയിരുന്നു പ്രതിഷേധം. എബിവിപി എറണാകുളം ജില്ല കമ്മിറ്റിയുടെ നേതൃത്വത്തിൽ ആലുവയിൽ വായ മൂടി കെട്ടിയാണ് പ്രതിഷേധിച്ചത്.
എബിവിപി സംസ്ഥാന ജോയിന്റ് സെക്രട്ടറി യദുകൃഷ്ണൻ പങ്കെടുത്ത പ്രതിഷേധ പരിപാടിക്ക് ജില്ലാ സെക്രട്ടറി വിജിത്ത് വിനോദ് നേതൃത്വം നൽകി. പ്രവർത്തക സമിതി അംഗമായ കെ.എം.വിഷ്ണു , സംസ്ഥാന ലോ ഇൻ ചാർജ് സ്വാതികൃഷ്ണ എന്നിവർ സംസാരിച്ചു. വിവിധ യൂണിറ്റിൽ നിന്നുള്ള എബിവിപി പ്രവർത്തകർ പ്രതിഷേധ സംഗമത്തിൽ പങ്കെടുത്തു.












