തിരുവനന്തപുരം: സംസ്ഥാന എസ് എസ് എൽ സി പരീക്ഷയ്ക്ക് ഇന്ന് തുടക്കം. 2971 കേന്ദ്രങ്ങളിലായി ഏതാണ്ട് 4 .27 ലക്ഷം വിദ്യാർത്ഥികൾ ഇന്ന് പരീക്ഷയെഴുതും. പരീക്ഷ എഴുതുന്ന എല്ലാ വിദ്യാർത്ഥികൾക്കും സംസ്ഥാന വിദ്യാഭ്യാസ മന്ത്രി ആശംസകൾ അറിയിച്ചിട്ടുണ്ട്. പരീക്ഷയെ ആരും ഭയക്കരുതെന്നും എല്ലാവരും ആത്മ വിശ്വാസത്തോടെ പരീക്ഷ എഴുതണം എന്നും അദ്ദേഹം പറഞ്ഞു.
ഇന്ന് നടക്കുന്ന ആദ്യ പരീക്ഷ ഭാഷ ഒന്നിന്റേതാണ്. രാവിലെ 9.30 മുതൽ നടക്കുന്ന പരീക്ഷ 11.15 നാണ് അവസാനിക്കുന്നത്. പരീക്ഷ സുഖകരമായി നടപ്പിലാക്കാൻ വേണ്ട എല്ലാ കാര്യങ്ങളും ചെയ്തുവെന്ന് സംസ്ഥാന വിദ്യാഭ്യാസ മന്ത്രി വി ശിവൻ കുട്ടി പറഞ്ഞു. ഇന്ന് തുടക്കം കുറിക്കുന്ന പരീക്ഷ ഈ മാസം 25 വരെ നീണ്ടു നിൽക്കും.
