കോഴിക്കുഞ്ഞുങ്ങളെ വളർത്തിയെടുക്കുക എന്നത് യാങിന് ഏറെ നാളായുള്ള ആഗ്രഹമായിരുന്നു. ഈ ഈ ആഗ്രഹം നടത്താനായി യുവതി ഇൻക്യൂബേറ്ററിന്റെ സഹായത്തോടെ കോഴിക്കുഞ്ഞുങ്ങളെ വിരിയിച്ചെടുത്തു. എന്നാൽ പിന്നെ സംഭവിച്ചതോ… ?
സംഭവം നടക്കുന്നത് ചൈനയിലെ സെയിയാങ് പ്രാവിശ്യയിലെ ഹാങ്‌ഷൌവിലാണ്. വിരിയിച്ചെടുത്ത കോഴിക്കുഞ്ഞുങ്ങൾക്ക് ആവശ്യമായ ചൂട് ലഭിക്കാനായി
ചൂടുള്ള ബൾബിന് താഴെ ടൌവലിൽ പൊതിഞ്ഞ് കോഴിക്കുഞ്ഞുങ്ങളെവച്ചു. ഏതാണ്ട് ഒരു അരമണിക്കൂറ് കഴിഞ്ഞ് കാണും എന്തോ കരിയുന്ന മണം യാങിൻറെ ശ്രദ്ധയിൽപ്പെട്ടു. നോക്കിയപ്പോൾ, കോഴിക്കുഞ്ഞിനെ പൊതിഞ്ഞ ടൌവൽകത്തിയിരിക്കുന്നു. ഉള്ളിൽ റോസ്റ്റ് ചെയ്തത് പോലെ കോഴികുഞ്ഞ് കരിഞ്ഞിരിക്കുന്നു. ചൂട് കൂടി പോയതുകൊണ്ടാണ് കോഴിക്കുഞ്ഞുങ്ങൾ ചത്ത് പോയത.് കോഴിക്കുഞ്ഞിൻറെ മരണം തന്നെ ഏറെ വേദനിപ്പിച്ചെന്ന് യാങ് പറയുന്നു. ഒപ്പം ഇനിയും മുട്ട വാങ്ങി കോഴിക്കുഞ്ഞുങ്ങളെ വിരിയിച്ച് പ്രയച്ഛിത്തം ചെയ്യുമെന്നും യുവതി പറഞ്ഞു.
ഇതിനിടെ ടെക്‌സസിലെ കനത്ത മഞ്ഞിൽ ഹീറ്റ് ലാമ്പുകൾ കത്തിച്ച് വച്ചതിനെ തുടർന്ന് 48 മണിക്കൂറിനിടെ മൂന്നിടത്താണ് തീ പടർന്നത്. നിരവധി മൃഗങ്ങളും കെട്ടിടങ്ങളും ഈ തീപിടിത്തത്തിൽ കത്തിയമർന്നതായും റിപ്പോർട്ടുകൾ പറയുന്നു. ആദ്യത്തെ സംഭവം ഒരു കോഴി ഫാമിൽ കത്തിച്ച് വച്ച ഹീറ്റ് ലാമ്പിൽ നിന്നും തീ പടർന്ന് ഫാം അടക്കം കത്തിപ്പോയതായിരുന്നു.
മൂന്ന് മണിക്കൂറിനുള്ളിൽ ഒരു ഗ്യാരേജിലും തീ പടർന്നു. അവിടെ ഗ്യാരേജിലെ രണ്ട് നായ്ക്കൾക്ക് ചൂട് പകരാനായി കത്തിച്ച് വച്ച ഹീറ്റ് ലാമ്പായിരുന്നു വില്ലൻ. ആ തീ പിടിത്തത്തിൽ ഒരു കാറും മറ്റ് ചില വാഹനങ്ങളും കത്തി നശിച്ചു. തൊട്ടടുത്ത ദിവസമായിരുന്നു മൂന്നാമത്തെ സംഭവം. വീട്ടിലെ വളർത്തുനായ്ക്കൾക്ക് വേണ്ടി കത്തിച്ച് വച്ച ഹീറ്റ് ലാമ്പിൽ നിന്നും തീ പടർന്നതായിരുന്നു അപകടം. ഈ അപകടത്തിൽ ഒരു നായ മരണപ്പെട്ടു.
