കുഞ്ഞ് ജനിച്ചതിൻറെ ആഘോഷ വിരുന്നിൽ എംഡിഎം എയും കഞ്ചാവും വിതരണം ചെയ്ത നാലു യുവാക്കളെ എക്സൈസ് അറസ്റ്റ് ചെയ്തു. പത്തനാപുരത്തെ ഒരു ലോഡ്ജിൽ നിന്നാണ് യുവാക്കളെ അറസ്റ്റു ചെയ്തത്. ഇവരുടെ പക്കൽ നിന്ന് ലാസ ലഹരിയും കഞ്ചാവുമുൾപ്പെടെയുള്ള ലാസ ലഹരിയും കഞ്ചാവും ഉൾപ്പെടെ കണ്ടെത്തിയിട്ടുണ്ട്.
തിരുവനന്തപുരം സ്വദേശികളാണ് പ്രതികൾ. കഠിനംകുളം സ്വദേശി വിപിൻ, മണക്കാട് സ്വദേശി വിവേക്, പേയാട് സ്വദേശി കിരൺ, കണ്ണമൂല സ്വദേശി ടെർബിന്‍ എന്നിവരാണ് എക്സൈസിൻറെ പിടിയിലായിരിക്കുന്നത്. മൂന്നാം പ്രതിയായ കിരണിന് കുഞ്ഞു ജനിച്ചതിൻറെ ആഘോഷമായാണ് ലഹരി വിരുന്ന് സംഘടിപ്പിച്ചത്.
ഇതിനായി ഇവർ പത്തനംതിട്ടയിലെ ലോഡ്ജിൽ മുറിയെടുക്കുകയായിരുന്നു. തിരുവനന്തപുരത്ത് നിന്ന് പത്തനാപുരത്തെത്തി മുറിയെടുത്ത പ്രതികളുടെ പെരുമാറ്റത്തിലും പ്രവർത്തനത്തിലും സംശയം തോന്നിയ ലോഡ്ജ് ജീവനക്കാരാണ് എക്സൈസിനെ വിവരം അറിയിച്ചത്. എക്സൈസ് മുറിയിലെത്തുമ്പോൾ 46 മില്ലിഗ്രാം എംഡിഎംഎ, 22 ഗ്രാം കഞ്ചാവ്, സിറിഞ്ച്, എംഡിഎംഎ സൂക്ഷിക്കാനുള്ള പൊതികൾ എന്നിവ കണ്ടെത്തി.
ഇതോടൊപ്പം അനേകം സിപ് ലോക് കവറുകളും എക്സൈസിന് ലഭിച്ചിട്ടുണ്ട്. എംഡിഎംഎ വിതരണം ചെയ്യുന്ന ഇടനിലക്കാരാണോ പ്രതികൾ എന്ന സംശയവും അധികൃതർക്കുണ്ട്. തിരുവനന്തപുരത്തു നിന്നാണ് ഇവർ ലഹരി മരുന്നുകൾ വാങ്ങിയത് എന്നാണ് അറിയുന്നത്. ഇതേ തുടർന്ന് തിരുവനന്തപുരം ജില്ലയിൽ പോലീസ് എക്സൈസ് സംഘം വ്യാപകമായ അന്വേഷണമാണ് നടത്തുന്നത്.
