മലപ്പുറം: ലഹരിക്കടിമയാണെന്നും രക്ഷിക്കണമെന്നും ആവശ്യപ്പെട്ട് പോലീസ് സ്‌റ്റേഷനിലെത്തി സഹായം അഭ്യർത്ഥിച്ച് യുവാവ്. മലപ്പുറം താനൂർ പോലീസ് സ്റ്റേഷനിലേക്കാണ് ഇത്തരമൊരു ആവശ്യവുമായി യുവാവ് എത്തിയത്. ലഹരി തന്നെ നശിപ്പിച്ചെന്നും ലഹരി ഉപയോഗം തുടങ്ങാൻ എളുപ്പമെന്നും നിർത്താൻ കഴിയില്ലെന്നും യുവാവ് പൊലീസ് ഉദ്യോഗസ്ഥരോട് വെളിപ്പെടുത്തി. ഇയാളെ ഡി അഡിക്ഷൻ സെന്ററിലേക്ക് മാറ്റിയിട്ടുണ്ട്.
ലഹരിക്കെതിരെ യുവാവിന്റെ നാട്ടിൽ പോലീസ് ബോധവത്ക്കരണ ബോധവത്കരണ പരിപാടികൾ നടത്തിയിരുന്നു. ലഹരിയിൽ മോചിപ്പിക്കാൻ വേണ്ട സൗകര്യങ്ങൾ നൽകുമെന്ന് ബോധവത്ക്കരണത്തിനിടെ താനൂർ ഡിവൈഎസ്പി പറഞ്ഞിരുന്നു.ഇതിന്റെ ഭാഗമായിട്ടാണ് യുവാവ് പോലീസ് സ്റ്റേഷനിലേക്ക് യുവാവ് എത്തിയത്.
