നീതി കിട്ടിയിട്ടില്ലെന്ന് നടിയ്ക്ക് തോന്നുന്നുണ്ടാകും, സർക്കാർ അപ്പീലിന് പോകുന്നതാണ് ശരി:ശശി തരൂർ 

നടി ആക്രമിക്കപ്പെട്ട കേസിലെ വിധിയിൽ താൻ അതിജീവിതയ്ക്ക് ഒപ്പമാണെന്നും സർക്കാർ അപ്പീലിന് പോകുന്നതാണ് ശരിയെന്നും ശശി തരൂർ.ഇതിൽ ന്യായത്തിന്റെ പക്ഷമാണ് പിടിക്കേണ്ടത്. ഏതെങ്കിലും ഒരു വശം പിടിക്കേണ്ടതില്ല. നീതി കിട്ടിയിട്ടില്ല എന്ന് നടിക്ക് തോന്നുന്നുണ്ടാകുമെന്നും നിയമനടപടികൾ നടക്കട്ടെയെന്നും അദ്ദേഹം  കൂട്ടിച്ചേർത്തു.

ഗൂഢാലോചന സംശയിക്കുമ്പോള്‍ സര്‍ക്കാര്‍ അപ്പീല്‍ പോകണമെന്നും അദ്ദേഹം വ്യക്തമാക്കി. അതിജീവിത അഭിനന്ദനം അര്‍ഹിക്കുന്നുവെന്നും എട്ട് വര്‍ഷം അവര്‍ ഈ കേസിന് പിന്നാലെയായിരുന്നുവെന്നും ശശി തരൂര്‍ കൂട്ടിച്ചേര്‍ത്തു.

അടൂര്‍ പ്രകാശ് പറഞ്ഞതിനോട് അദ്ദേഹത്തോട് തന്നെ ചോദിക്കണമെന്ന് ശശി തരൂര്‍ പറഞ്ഞു. അതിജീവിതയ്ക്ക് ഒപ്പമാണ് താനെന്നും സര്‍ക്കാര്‍ അപ്പീല്‍ നല്‍കണമെന്നും ശശി തരൂര്‍ പറഞ്ഞു.