ശ​ബ​രി പാ​ത യാ​ഥാ​ര്‍​ത്ഥ്യത്തിലേക്ക്; 2,815 കോ​ടി​ ചെ​ലവാകുന്ന പദ്ധതിയുടെ പ​കു​തി സം​സ്ഥാ​നം വ​ഹി​ക്കും

തി​രു​വ​ന​ന്ത​പു​രം: അ​ങ്ക​മാ​ലി- ശ​ബ​രി റെ​യി​ല്‍​പാ​ത​യു​ടെ മൊ​ത്തം ചെ​ല​വി​ന്‍റെ 50 ശ​ത​മാ​നം സം​സ്ഥാ​നം ഏ​റ്റെ​ടു​ത്ത് കി​ഫ്ബി മു​ഖേ​ന തു​ക ല​ഭ്യ​മാ​ക്കാ​ന്‍ മ​ന്ത്രി​സ​ഭ തീ​രു​മാ​നി​ച്ചു. 2,815 കോ​ടി​യാ​ണ് പ​ദ്ധ​തി​യു​ടെ മൊ​ത്തം ചെ​ല​വ്. 1997- 98-ലെ ​റെ​യി​ല്‍​വെ ബ​ജ​റ്റി​ല്‍ പ്ര​ഖ്യാ​പി​ച്ച​താ​ണ് എ​രു​മേ​ലി വ​ഴി​യു​ള്ള ശ​ബ​രി​പാ​ത.

ശ​ബ​രി​മ​ല ദ​ര്‍​ശ​ന​ത്തി​ന് രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ല്‍ നി​ന്നെ​ത്തു​ന്ന തീ​ര്‍​ഥാ​ട​ക​രു​ടെ സൗ​ക​ര്യ​വും സം​സ്ഥാ​ന​ത്തി​ന്‍റെ തെ​ക്കു​കി​ഴ​ക്ക് ഭാ​ഗ​ങ്ങ​ളു​ടെ വി​ക​സ​ന​വും മു​ന്നി​ല്‍ ക​ണ്ടാ​ണ് പ​ദ്ധ​തി വി​ഭാ​വ​നം ചെ​യ്ത​ത്. എ​ന്നാ​ല്‍ പ​ദ്ധ​തി ന​ട​പ്പാ​ക്കാ​ന്‍ റെ​യി​ല്‍​വേ താ​ല്പ​ര്യം കാ​ണി​ച്ചി​ല്ല. പ​ദ്ധ​തി പ്ര​ഖ്യാ​പി​ക്കു​മ്പോ​ള്‍ ചെ​ല​വ് 517 കോ​ടി രൂ​പ​യാ​യി​രു​ന്ന​താ​ണ് ഇ​ന്ന് 2815 കോ​ടി രൂ​പ​യാ​യി ഉ​യ​ര്‍​ന്ന​ത്. നി​ര്‍​മാ​ണ​ച്ചെ​ല​വി​ന്‍റെ പ​കു​തി സം​സ്ഥാ​നം വ​ഹി​ക്ക​ണ​മെ​ന്ന് പി​ന്നീ​ട് റെ​യി​ല്‍​വേ നി​ല​പാ​ടെ​ടു​ത്തു. ദേ​ശീ​യ തീ​ര്‍​ഥാ​ട​ന കേ​ന്ദ്ര​മെ​ന്ന നി​ല​യി​ല്‍ റെ​യി​ല്‍​വേ​യു​ടെ ചെ​ല​വി​ല്‍ ത​ന്നെ പ​ദ്ധ​തി ന​ട​പ്പാ​ക്ക​ണ​മെ​ന്ന് പ്ര​ധാ​ന​മ​ന്ത്രി​യോ​ട് മു​ഖ്യ​മ​ന്ത്രി ആ​വ​ശ്യ​പ്പെ​ട്ടെ​ങ്കി​ലും ഫ​ല​മു​ണ്ടാ​യി​ല്ല.

ചെ​ല​വി​ന്‍റെ പ​കു​തി ഏ​റ്റെ​ടു​ക്കാ​ന്‍ സം​സ്ഥാ​നം ത​യാ​റാ​ക​ണ​മെ​ന്ന നി​ല​പാ​ടി​ല്‍ റെ​യി​ല്‍​വേ ഉ​റ​ച്ചു​നി​ന്നു. ഈ ​സാ​ഹ​ച​ര്യ​ത്തി​ലാ​ണ് പ​ദ്ധ​തി​യു​ടെ പ്രാ​ധാ​ന്യം ക​ണ​ക്കി​ലെ​ടു​ത്ത് ചെ​ല​വി​ന്‍റെ പ​കു​തി വ​ഹി​ക്കാ​ന്‍ സം​സ്ഥാ​ന സ​ര്‍​ക്കാ​ര്‍ തീ​രു​മാ​നി​ച്ച​തെ​ന്ന് മ​ന്ത്രി​സ​ഭാ​യോ​ഗ​ത്തി​ന് ശേ​ഷം പു​റ​ത്തി​റ​ക്കി​യ വാ​ര്‍​ത്താ​ക്കു​റി​പ്പി​ല്‍ പ​റ​യു​ന്നു.

അ​ങ്ക​മാ​ലി- ശ​ബ​രി പാ​ത​യു​ടെ ന​ട​ത്തി​പ്പും പ​രി​പാ​ല​ന​വും റെ​യി​ല്‍​വേ മ​ന്ത്രാ​ല​യം നി​ര്‍​വ​ഹി​ക്ക​ണം, പാ​ത​യി​ലു​ള്‍​പ്പെ​ടു​ന്ന സ്റ്റേ​ഷ​നു​ക​ളു​ടെ വി​ക​സ​നം പൊ​തു- സ്വ​കാ​ര്യ പ​ങ്കാ​ളി​ത്ത​മു​ള്ള പ്ര​ത്യേ​ക ക​മ്പ​നി വ​ഴി ന​ട​പ്പാ​ക്ക​ണം, വ​രു​മാ​ന​ത്തി​ല്‍ ചെ​ല​വ് ക​ഴി​ച്ചു​ള്ള തു​ക സം​സ്ഥാ​ന​വും റെ​യി​ല്‍​വേ​യും 50:50 അ​നു​പാ​ത​ത്തി​ല്‍ പ​ങ്കി​ട​ണം എ​ന്നീ വ്യ​വ​സ്ഥ​ക​ളോ​ടെ​യാ​ണ് 50 ശ​ത​മാ​നം ചെ​ല​വ് വ​ഹി​ക്കാ​ന്‍ തീ​രു​മാ​നി​ച്ച​ത്.