കണ്ണൂര്‍: മന്‍സൂര്‍ വധക്കേസിലെ രണ്ടാം പ്രതി രതീഷിനെ മറ്റ് പ്രതികള്‍ ചേര്‍ന്ന് കെട്ടിത്തൂക്കുകയായിരുന്നെന്ന് കോണ്‍ഗ്രസ് നേതാവ് കെ സുധാകരന്‍ എം പി വാര്‍ത്താസമ്മേളനത്തില്‍ ആരോപിച്ചു.
”വളയത്ത് ഒരു സി പി എമ്മുകാരന്റെ വീട്ടിലാണ് പ്രതികള്‍ ഒളിവില്‍ താമസിച്ചത്. ഇവിടെ വച്ച്‌ ഇവര്‍ തമ്മില്‍ തര്‍ക്കമുണ്ടായി. ഒരു പ്രാദേശിക നേതാവിനെതിരെയുണ്ടായ പരാമര്‍ശമാണ് തര്‍ക്കത്തിലേക്ക് നയിച്ചതും പ്രകോപനത്തിനിടയാക്കിയതും. ഇതിനെ തുടര്‍ന്ന് മറ്റുളളവര്‍ രതീഷിനെ ആക്രമിക്കുകയായിരുന്നു. പിന്നീട് ബോധംകെട്ട രതീഷിനെ കെട്ടിത്തൂക്കുകയായിരുന്നു”കെ സുധാകരന്‍ ആരോപിക്കുന്നു.
നാട്ടില്‍ നിന്ന് ലഭിക്കുന്ന വിവരം വച്ചാണ് താന്‍ സംസാരിക്കുന്നതെന്നാണ് സുധാകരന്‍ പറയുന്നത്. പനോളി വത്സന്‍ എന്ന നേതാവാണ് മന്‍സൂര്‍ കൊലക്കേസ് ആസൂത്രണം ചെയ്തത്. വോട്ടെടുപ്പ് ദിവസം തിരഞ്ഞെടുപ്പ് ചാര്‍ജ് ഉണ്ടായിരുന്ന സ്ഥലത്ത് പനോളി വത്സന്‍ വരാതിരുന്നത് സംശയമാണെന്നും സുധാകരന്‍ കൂട്ടിച്ചേര്‍ത്തു.
Discussion about this post