വനിതാ മതിലിനായി സര്‍ക്കാര്‍ ഫണ്ടില്‍ നിന്ന് പണം എടുക്കില്ലെന്ന് മുഖ്യമന്ത്രി പിണറായി വിജയന്‍. ബജറ്റില്‍ നീക്കിവെച്ച 50 കോടി സര്‍ക്കാര്‍ പദ്ധതികള്‍ക്കെന്നും മുഖ്യമന്ത്രി വിശദീകരിച്ചു. സര്‍ക്കാര്‍ ഹൈക്കോടതിയില്‍ നല്‍കിയ സത്യവാങ്മൂലം തെറ്റിദ്ധരിപ്പിക്കപ്പെട്ടുവെന്നും മുഖ്യമന്ത്രി പരഞ്ഞു. തിരുവനന്തപുരത്ത് സെക്രട്ടേറിയറ്റ് എംപ്‌ളോയീസ് അസോസിയേഷന്‍ വനിതാ സബ് കമ്മിറ്റിയുടെ ആഭിമുഖ്യത്തില്‍ നടക്കു നവോത്ഥാന സദസ്സ് ഉദ്ഘാടനം ചെയ്യുകയായിരുന്നു മുഖ്യമന്ത്രി. വനിത സംഘടനകള്‍ സ്വന്തം ചിലവില്‍ പണം കണ്ടെത്തണമെന്നും പിണറായി വിജയന്‍ പറഞ്ഞു.
സര്‍ക്കാര്‍ ഫണ്ട് ഉപയോഗിക്കില്ലെന്ന് ധനമന്ത്രി ഡോ.തോമസ് ഐസകും പറഞ്ഞു.
That is a misinterpretation of the affidavit. And that is why I am clarifying – no budget money will be use for Women’s Wall. The Women’s organisations in Kerala are capable of mobilising the required funds by themselves. https://t.co/M1WbwnCSKC
— Thomas Isaac (@drthomasisaac) December 21, 2018
സ്ത്രീകള്‍ക്കെതിരായ അതിക്രമം തടയുന്നതിനായി 50 കോടി രൂപ ബഡ്ജറ്റില്‍ മാറ്റി വച്ചിട്ടുണ്ട്. വനിതാ മതിലും ഇത്തരം പ്രചാരണത്തിന്റെ ഭാഗമാണ് എന്നായിരുന്നു സര്‍ക്കാര്‍ കോടതിയില്‍ സമര്‍പ്പിച്ച സത്യവാങ്മൂലത്തില്‍ പറയുന്നു. സാമ്പത്തിക വര്‍ഷത്തിന്റെ അവസാനം ആയതിനാല്‍ ഇത്തരം ക്യാമ്പയിനുകള്‍ക്ക് നീക്കിവച്ച പണം ഉപയോഗിക്കേണ്ടതുണ്ടെന്നും സര്‍ക്കാര്‍ ഹൈക്കോടതിയില്‍ വ്യക്തമാക്കി. അന്താരാഷ്ട്ര ഫിലിം ഫെസ്റ്റിവല്‍, യുവജനോത്സവം, ബിനാലെ പോലെ ഒരു പരിപാടി മാത്രമാണ് വനിതാ മതിലെന്നും സര്‍ക്കാര്‍ വ്യക്തമാക്കിയിരുന്നു.
നേരത്തെ സര്‍ക്കാര്‍ പണം വനിതാ മതിലിന് ഉപയോഗിക്കില്ലെന്ന മുഖ്യമന്ത്രിയുടെ നിലപാടിന് വിപരീതമായിരുന്നു സത്യവാങ്മൂലം. ഇതിനെതിരെ വലിയ പ്രതിഷേധം ഉയര്‍ന്നിരുന്നു. ഇതേ തുടര്‍ന്നാണ് മുഖ്യമന്ത്രിയും തോമസ് ഐസകും ഇപ്പോള്‍ നിലപാട് മാറ്റി രംഗത്തെത്തിയത്.
വനിതാ മതില്‍ വിഷയത്തില്‍ മുഖ്യമന്ത്രി നിയമസഭയെ തെറ്റിദ്ധരിപ്പിച്ചുവെന്ന് വിമര്‍ശനത്തിന് പിറകെ അവകാശ ലംഘനത്തിന് പ്രതിപക്ഷം നോട്ടീസ് നല്‍കിയിരുന്നു. കെ സി ജോസഫ് എംഎല്‍എയാണ് നോട്ടീസ് നല്‍കുന്നത്. വനിത മതിലിന് സര്‍ക്കാര്‍ ഫണ്ട് വിനിയോഗിക്കില്ലെന്ന് മുഖ്യമന്ത്രി പറഞ്ഞിരുന്നു. എന്നാല്‍ വനിതാ സുരക്ഷയ്ക്കായുള്ള 50 കോടി രൂപ ചിലവഴിക്കുമെന്നാണ് സര്‍ക്കാര്‍ ഹൈക്കോടതിയെ അറിയിച്ചത്.
വനിതാ മതിലിന് സര്‍ക്കാര്‍ പണം ചെലവഴിക്കില്ലെന്ന് പറഞ്ഞ മുഖ്യമന്ത്രി നിയമസഭയെ തെറ്റിദ്ധരിപ്പിച്ചെന്ന് രമേശ് ചെന്നിത്തലയും ആരോപിച്ചു. വനിത, ശിശുക്ഷേമ വകുപ്പിന്റെ പണം ചെലവഴിക്കാതിരുന്ന മന്ത്രി കെ കെ ശൈലജക്കെതിരെ നടപടി സ്വീകരിക്കണമെന്നും ചെന്നിത്തല ആവശ്യപ്പെട്ടു. ജനങ്ങളുടെ നികുതി പണം ഉപയോഗിച്ച് സി പി എം മതില്‍ നിര്‍മ്മിക്കുന്നത് അംഗീകരിക്കാനാവില്ലെന്നും വനിത മതിലിനായി പണം ചെലവഴിക്കുന്നത് അഴിമതി തന്നെയെന്നും ചെന്നിത്തല പറഞ്ഞു.
പ്രളയ ദുരിതാശ്വാസത്തിനാണോ സര്‍ക്കാര്‍ മുന്‍ഗണന നല്‍കുന്നതെന്ന് ഹൈക്കോടതി ഇന്നലെ സംശയം പ്രകടിപ്പിച്ചിരുന്നു. വനിതാ സുരക്ഷയ്ക്കായുള്ള ഫണ്ട് ലാപ്‌സാവാതിരിക്കാന്‍ വനിത മതിലിനായി വിനിയോഗിക്കുമെന്ന് സര്‍ക്കാര്‍ അറിയിച്ചപ്പോഴായിരുന്നു ഇത്. പ്രളയദുരിതാശ്വസത്തിന് ഫണ്ടില്ല എന്നാണല്ലോ സര്‍ക്കാര്‍ പറഞ്ഞിരുന്നത് എന്നും കോടതി പരാമര്‍ശിച്ചിരുന്നു.
https://www.facebook.com/PinarayiVijayan/videos/280885329281213/?notif_id=1545378203356240¬if_t=live_video
Discussion about this post