പുല്‍വാമ ഭീകരാക്രമണത്തെക്കുറിച്ച് ചോദിച്ച വിദ്യാര്‍ഥിയുടെ മുന്‍പില്‍ പൊട്ടി കരഞ്ഞ് യോഗി ആദിത്യനാഥ്

ലഖ്‌നൗ:പുല്‍വാമ ഭീകരാക്രമണത്തെക്കുറിച്ച് ചോദ്യമുന്നയിച്ചപ്പോള്‍ വികാരധീനനായി ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്.ലഖ്‌നൗവിലെ എഞ്ചിനിയറിംഗ് കോളെജ് വിദ്യര്‍ഥികളുമായി സംവദിക്കുകയായിരുന്നു അദ്ദേഹം.

കശ്മീരില്‍ ഭീകരാക്രമണം നടന്നു.  ആക്രമണവും അതിന്റെ അന്വേഷണവും നടക്കും. പക്ഷേ കാര്യങ്ങള്‍ വീണ്ടും പഴയപടിയാകും,  എന്നാല്‍ പ്രശ്‌നം പരിഹരിക്കാന്‍ നിങ്ങളുടെ സര്‍ക്കാര്‍ എന്ത് നടപടിയാണ് സ്വീകരിച്ചത് എന്ന ഒരു വിദ്യാര്‍ഥിയുടെ ചോദ്യത്തിനാണ് അദ്ദേഹം പൊട്ടികരഞ്ഞത്.

#WATCH CM Yogi Adityanath answers a student's question on #PulwamaTerrorAttack pic.twitter.com/HEAdz1cN07

— ANI UP/Uttarakhand (@ANINewsUP) February 22, 2019

പ്രധാനമന്ത്രി നരേന്ദ്രമോദിയുടെ നേതൃത്വത്തില്‍ രാജ്യത്തെ ഭീകരത ഇല്ലാതാക്കപ്പെടും.അണയാന്‍ പോകുന്ന വിളക്ക് ആളിക്കത്തുന്നതാണ്. അതു തന്നെയാണ് കശ്മീരില്‍ സംഭവിച്ചിരിക്കുന്നത്. ഭീകരത അതിന്റെ അവസാന ഘട്ടത്തില്‍ എത്തി നില്‍ക്കുകയാണ്. നരേന്ദ്രമോദി സര്‍ക്കാര്‍ ഇത് അവസാനിപ്പിക്കാന്‍ പ്രതിജ്ഞാബദ്ധരാണ് എന്നാണ് മറുപടിയായി യോഗി ആദിത്യനാഥ്  പറഞ്ഞു.
മന്ത്രിയുടെ മറുപടിക്ക് എല്ലാവരും കൈയടിച്ചു.കുറച്ച് നേരത്തെ നിശബ്ദതയ്ക്ക് ശേഷം അദ്ദേഹം പൊട്ടികരയുകയായിരുന്നു.പിന്നീട് ടവല്‍ കൊണ്ട് കണ്ണീര്‍ തുടയ്ക്കുകയും ശേഷമാണ് വിദ്യര്‍ഥികളോട് അദ്ദേഹം സംസാരിച്ചത്.