ഇന്ത്യ വിസ അനുവദിക്കാതെ തിരിച്ചു കയറ്റിവിട്ട ബ്രിട്ടീഷ് നിയമജ്ഞയും എം.പിയുമായ ഡെബ്ബി എബ്രഹാം പാക്കിസ്ഥാനിലെത്തി.ഓൾ പാർട്ടി പാർലമെന്ററി കശ്മീർ ഗ്രൂപ്പിന്റെ നേതാവാണ് ഡെബ്ബി എബ്രഹാം.പാകിസ്ഥാൻ വിദേശ കാര്യമന്ത്രി ഷാ മുഹമ്മദ് ഖുറേഷിയെയും ഇവർ സന്ദർശിക്കും. ആർട്ടിക്കിൾ 370 റദ്ദാക്കിയതിനെത്തുടർന്ന് ബ്രിട്ടീഷ് വിദേശകാര്യ സെക്രട്ടറി ഡോമിനിക് റബ്ബിന് ഈ പ്രശ്നം ഐക്യരാഷ്ട്രസഭയിൽ ചർച്ച ചെയ്യാൻ ശുപാർശ ചെയ്ത് ഡെബ്ബി എബ്രഹാം കത്തയച്ചിരുന്നു.
പാകിസ്ഥാനിലെ മനുഷ്യാവകാശ പ്രവർത്തകരുടെ അഭിപ്രായങ്ങൾ ശേഖരിക്കാനും മനുഷ്യാവകാശങ്ങൾ സംരക്ഷിക്കപ്പെടുന്നുണ്ടെന്ന് ഉറപ്പു വരുത്താനുമാണ് ഈ സന്ദർശനമെന്നാണ് പാശ്ചാത്യ മാധ്യമങ്ങൾ റിപ്പോർട്ട് ചെയ്യുന്നത്.ഫെബ്രുവരി 16ന് ഇന്ത്യ സന്ദർശിച്ച ഡെബ്ബി എബ്രഹാമിനെ വിസ ക്യാൻസലായതിനെ തുടർന്ന് ഇന്ത്യ തിരിച്ചയച്ചിരുന്നു. പാക്ക് അനുകൂല നിലപാടുകൾക്ക് പേരുകേട്ട ഇവരെ ഇന്ത്യ തിരിച്ചയച്ചത് വിവാദം സൃഷ്ടിച്ചെങ്കിലും കേന്ദ്ര ആഭ്യന്തരമന്ത്രാലയം തങ്ങളുടെ നിലപാടിൽ ഉറച്ചു നിൽക്കുകയായിരുന്നു.
Discussion about this post