മധ്യപ്രദേശിലെ രാഷ്ട്രീയ പ്രതിസന്ധിയിലും സിന്ധ്യയുടെ രാജിയിലും പ്രധാനമന്ത്രി നരേന്ദ്രമോദിയെ പഴിച്ച് രാഹുല് ഗാന്ധിയുടെ ട്വീറ്റ്.. തിരഞ്ഞെടുക്കപ്പെട്ട കോണ്ഗ്രസ് സര്ക്കാരുകളെ അസ്ഥിരപ്പെടുത്താനുള്ള ശ്രമത്തില് തിരക്കിലാകുമ്പോള് നിങ്ങള് എണ്ണവിലയിലുണ്ടായ 35 % ഇടിവ് അറിഞ്ഞിട്ടുണ്ടാവില്ല. ക്രൂഡ് ഓയില് വിലയില് ഇത്ര ഇടിവുണ്ടായിട്ടും പെട്രോള് വില 60 തില് കുറയ്ക്കാന് സാധിക്കില്ലേയെന്നും രാഹുല് ട്വിറ്ററില് കുറിച്ചു.
Hey @PMOIndia , while you were busy destabilising an elected Congress Govt, you may have missed noticing the 35% crash in global oil prices. Could you please pass on the benefit to Indians by slashing #petrol prices to under 60₹ per litre? Will help boost the stalled economy.
— Rahul Gandhi (@RahulGandhi) March 11, 2020
മധ്യപ്രദേശില് ജ്യോതിരാദിത്യ സിന്ധ്യയും 22 എംഎല്എമാരും കോണ്ഗ്രസ് വിട്ടതിന്റെ പശ്ചാത്തലത്തിലാണ് രാഹുല് ഗാന്ധിയുടെ പ്രതികരണം.നിലവില് സിന്ധ്യയെ അനുകൂലിക്കുന്ന 232 എംഎല്എമാര് ബിജെപി പാളയത്തിലേക്ക് എത്തുമെന്നാണ് വിവരം. കര്ണാടകയ്ക്ക് പിന്നാലെ മധ്യപ്രദേശിലും കോണ്ഗ്രസ് സര്ക്കാരിന് നിലവിലെ സ്ഥിതിയില് ഭരണം നഷ്ടപ്പെട്ടേക്കും. രാജസ്ഥാനിലും കോണ്ഗ്രസ് പാളയത്തില് കലാപം തുടങ്ങി കഴിഞ്ഞു.
Discussion about this post