കോവിഡ് മഹാമാരിക്കെതിരെ രാജ്യം മുഴുവൻ അണിനിരക്കുമ്പോൾ, രോഗപ്രതിരോധ നിധിയിലേക്ക് ഒരു കോടി രൂപ സംഭാവന ചെയ്ത് ബോളിവുഡ് താരം വിക്കി കൗശൽ. പ്രധാനമന്ത്രിയുടെ ദുരിതാശ്വാസ നിധിയിലേക്കും മഹാരാഷ്ട്ര മുഖ്യമന്ത്രിയുടെ സംസ്ഥാന നിധിയിലേക്കുമാണ് വിക്കി കൗശൽ പണം സംഭാവന ചെയ്തത്.തന്റെ ഇൻസ്റ്റാഗ്രാം അക്കൗണ്ട് മുഖേന,താരം തന്നെയാണ് വിവരം പുറത്തുവിട്ടത്.
“ഞാൻ എന്റെ വീട്ടിൽ പ്രിയപ്പെട്ടവരോടൊപ്പം സുഖമായി ഇരിക്കുന്നു, നിർഭാഗ്യവശാൽ എല്ലാവർക്കും അതിന് സാധിക്കുന്നില്ല.” എന്നു പറഞ്ഞ വിക്കി, ജന ക്ഷേമത്തിനായി താനും തന്റെ പങ്ക് ചെയ്യുന്നു എന്നു പറഞ്ഞാണ് ഈ വിവരം ജനങ്ങളുമായി പങ്കുവെച്ചത്. അക്ഷയ് കുമാർ, കാർത്തിക് ആര്യൻ, സൽമാൻഖാൻ, അനുഷ്ക ശർമ മുതലായ മുൻനിര താരങ്ങളെല്ലാം തന്നെ കോവിഡ് പ്രതിരോധ നിധിയിലേക്ക് സംഭാവന ചെയ്തിരുന്നു.
Discussion about this post