നാളെ, ലോക വിഡ്ഢി ദിനമായി ആചരിക്കുന്ന ഏപ്രിൽ ഒന്നിന് കോവിഡ് വൈറസ് രോഗബാധ സംബന്ധിച്ച് ആശയക്കുഴപ്പങ്ങളും വ്യാജവാർത്തകളും പരത്തിക്കഴിഞ്ഞാൽ കർശനമായ നടപടി എടുക്കുമെന്ന് താക്കീതു നൽകി മഹാരാഷ്ട്ര സർക്കാർ. ജനങ്ങളുടെ ഊഹാപോഹങ്ങളും പ്രചാരണങ്ങളും അല്ലെങ്കിൽ തന്നെ സാമൂഹികമാധ്യമങ്ങളിൽ അതിരുകടക്കുന്നുണ്ടെന്നും, സുരക്ഷയ്ക്കും കരുതലിനും പ്രാധാന്യം കൊടുക്കേണ്ട ഈ അവസ്ഥയിൽ, ജനങ്ങൾ ഉത്തരവാദിത്വപരമായി പെരുമാറണമെന്നും മഹാരാഷ്ട്ര ആഭ്യന്തര മന്ത്രി അനിൽ ദേശ്മുഖ് അഭ്യർത്ഥിച്ചു.
രാജ്യം വളരെ ഗുരുതരമായ ഒരു അവസ്ഥയെ അഭിമുഖീകരിക്കുകയാണ്, ഈ സമയത്ത് ജനങ്ങളെ പരിഭ്രാന്തരാക്കി വ്യാജ പ്രചാരണങ്ങൾ നടത്തുന്നവർക്കെതിരെ കർശനമായ നടപടിയെടുക്കുമെന്നും ആഭ്യന്തരമന്ത്രി മുന്നറിയിപ്പ് നൽകി.
Discussion about this post