ലോക്ഡൗണിൽ കുടുങ്ങിക്കിടക്കുന്ന കുടിയേറ്റ തൊഴിലാളികളെ നാട്ടിലെത്തിക്കാൻ 6 ചാർട്ടേഡ് വിമാനങ്ങൾ ബുക്ക് ചെയ്ത് ബോളിവുഡ് താരം അമിതാഭ് ബച്ചൻ. മുംബൈയിൽ കുടുങ്ങിക്കിടക്കുന്ന കുടിയേറ്റ തൊഴിലാളികളെ പ്രയാഗ് രാജ്, വാരണസി ഗോരക്പൂർ, ലക്നൗ എന്നിവിടങ്ങളിലേക്ക് എത്തിക്കാനാണ് ബച്ചൻ ഫ്ലൈറ്റുകൾ ബുക്ക് ചെയ്തിരിക്കുന്നത്.
ഓരോ വിമാനത്തിലും 180-ഓളം യാത്രക്കാരെ വീതമാണ് നാട്ടിൽ എത്തിക്കുക.ആറു വിമാനങ്ങളിൽ നാലെണ്ണം ഇന്നും, രണ്ടെണ്ണം വ്യാഴാഴ്ചയും ഉത്തർപ്രദേശ് ലക്ഷ്യമാക്കി പുറപ്പെടും.ലോക്ഡൗൺ ഈ കാലഘട്ടത്തിൽ ദിവസേന 2000 പാക്കറ്റ് ഭക്ഷണം വീതമാണ് ബച്ചൻ വിതരണം ചെയ്തിരുന്നത്.ഓരോ മാസവും 1,00,000 വീട്ടുകാർക്ക് ഭക്ഷ്യ സാധനങ്ങളും അദ്ദേഹം എത്തിച്ചു കൊടുത്തിരുന്നു.
Discussion about this post