ഡൽഹി: മുൻ രാഷ്ട്രപതി പ്രണബ് മുഖർജിയുടെ ആരോഗ്യനില അതീവ ഗുരുതരമായി തുടരുന്നു.കരസേനയുടെ റിസർച്ച് ആൻഡ് റഫറൽ (ആർ & ആർ) ആശുപത്രിയിൽ ആണ് അദ്ദേഹത്തെ പ്രവേശിപ്പിച്ചത്.മുൻ രാഷ്ട്രപതി പ്രണബ് മുഖർജിയുടെ നില ഗുരുതരമാണെന്നും വെൻറിലേറ്ററിൻറെ സഹായത്തോടെയാണ് ജീവൻ നിലനിൽക്കുന്നതെന്നും ആശുപത്രി മെഡിക്കൽ ബുളളറ്റിൻ പുറത്തിറക്കി.
രക്തം കട്ടപിടിച്ചതിനെത്തുടർന്ന് അദ്ദേഹത്തിന് ഇക്കഴിഞ്ഞ തിങ്കളാഴ്ച മസ്തിഷ്ക ശസ്ത്രക്രിയ നടത്തിയിരുന്നു.എന്നാൽ, ആരോഗ്യാവസ്ഥയിൽ ഒരു പുരോഗതിയും ഇല്ലെന്നും സ്ഥിതി ദുർബലമായി തുടരുകയാണെന്നും ആശുപത്രി വൃത്തങ്ങൾ സൂചിപ്പിക്കുന്നു.ഓഗസ്റ്റ് 10 ന് ആണ് ഡൽഹി കന്റോൺമെന്റിലെ ആർമി ആർ ആർ ആശുപത്രിയിൽ അദ്ദേഹത്തെ പ്രവേശിപ്പിച്ചത്.തലച്ചോറിൽ രക്തം കട്ടപിടിച്ചതിനെ തുടർന്ന് ആരോഗ്യ നില മോശമായിരുന്നു.അടിയന്തിര ശസ്ത്രക്രിയ നടത്തിയെങ്കിലും ആരോഗ്യ നിലയിൽ പുരോഗതിയില്ലെന്നാണ് സൂചന.
Discussion about this post