മുംബൈ: റിയ ചക്രബർത്തി നിരപരാധിയാണെന്നും മുൻകൂർ ജാമ്യത്തിന് അപേക്ഷിച്ചിട്ടില്ലെന്നും അഭിഭാഷകൻ സതീഷ് മനേഷിന്ദെ. സുശാന്ത് സിംഗ് രജപുത് കേസിനെ മന്ത്രവാദ വേട്ടയെന്നും അദ്ദേഹം വിമർശിച്ചു.
“ആരെയെങ്കിലും സ്നേഹിക്കുന്നത് ഒരു കുറ്റമാണെങ്കിൽ ഇത് പ്രണയത്തിന്റെ അനന്തരഫലമെന്നോണം അവൾ അഭിമുഖീകരിക്കട്ടെ. അറസ്റ്റ് നേരിടാൻ റിയാ ചക്രബർത്തി തയ്യാറാണ്. റിയ നിരപരാധിയാണ്. സിബിഐ, ഇഡി, എൻസിബി എന്നീ അന്വേഷണ സംഘങ്ങളുടെ കേസിൽ ജാമ്യത്തിനായി ഒരു കോടതിയെയും റിയ സമീപിച്ചിട്ടില്ല, ”അദ്ദേഹം പറഞ്ഞു.
കാമുകൻ സുശാന്ത് സിംഗ് രജ്പുത്തിന്റെ മരണവുമായി ബന്ധപ്പെട്ട കേസിൽ അന്വേഷണത്തിൻറെ ഭാഗമായി എൻസിബി സംഘം റിയയുടെ മുംബൈയിലെ വീട്ടിലെത്തിയിരുന്നു. കേസിലെ പ്രധാന പ്രതിയായ റിയയെ (28) ചോദ്യം ചെയ്യണമെന്ന് അന്വേഷണ സംഘം ആവശ്യപ്പെട്ടിരുന്നു .
റിയയുടെ ഇളയ സഹോദരൻ ഷോയിക് ചക്രബർത്തി (24),സുശാന്ത് സിംഗ് രജപുതിൻറെ ഹൌസ് മാനേജർ സാമുവൽ മിറാൻഡ (33), നടന്റെ പേഴ്സണൽ സ്റ്റാഫ് അംഗം ദിപേഷ് സാവന്ത് എന്നിവരെ ഈ കേസിൽ അറസ്റ്റ് ചെയ്തിട്ടുണ്ട്.
Discussion about this post