പേടിഎമ്മിന് തിരിച്ചടി: പ്ലേ സ്‌റ്റോറില്‍ നിന്ന് നീക്കം ചെയ്തു

പ്ലേ സ്റ്റോറിൽ നിന്നും ഓൺലൈൻ പേമെന്റ് ആപ്പായ പേടിഎം ഗൂഗിൾ നീക്കം ചെയ്തു. ഓൺലൈൻ ചൂതാട്ടം നിയമവിരുദ്ധമാണെന്നും ഇതുമായി ബന്ധപ്പെട്ട ചട്ടങ്ങൾ പേടിഎം ലംഘിച്ചതിനാലാണ് ആപ്പ് നീക്കം ചെയ്യുന്നതെന്നും ഗൂഗിൾ വ്യക്തമാക്കി.

പ്ലേ സ്റ്റോറിൽ ആപ്പ് താത്കാലിലമായി ലഭ്യമല്ല എന്നാണ് ഗൂഗിൾ ട്വിറ്ററിൽ വിശദീകരിക്കുന്നത്. ഉപഭോക്താക്കളുടെ സുരക്ഷ മുൻ നിർത്തിയാണ് തങ്ങൾ പ്രവർത്തിക്കുന്നതെന്നും അത് അംഗീകരിക്കാൻ പേടിഎം തയ്യാറാകുന്ന പക്ഷം തീരുമാനത്തിൽ മാറ്റമുണ്ടാകുമെന്നും ഗൂഗിൾ വ്യക്തമാക്കി. ഇതുമായി ബന്ധപ്പെട്ട് നിരവധി മുന്നറിയിപ്പുകൾ നേരത്തെ തന്നെ നൽകിയിരുന്നതായും ഗൂഗിൾ അറിയിച്ചു.

എന്നാൽ ഉപഭോക്താക്കൾ പരിഭ്രാന്തരാകേണ്ടതില്ലെന്നും പ്രശ്നങ്ങൾ പരിഹരിച്ച് ആപ്പ് വീണ്ടും തിരിച്ചു വരുമെന്നും പേടിഎം അറിയിച്ചു. ഉപഭോക്താക്കളുടെ പണം സുരക്ഷിതമാണെന്നും കമ്പനി വിശദീകരണക്കുറിപ്പിലൂടെ അറിയിച്ചു.

Dear Paytm'ers,

Paytm Android app is temporarily unavailable on Google's Play Store for new downloads or updates. It will be back very soon.

All your money is completely safe, and you can continue to enjoy your Paytm app as normal.

— Paytm (@Paytm) September 18, 2020