മണാലി : മുൻ സർക്കാരുകൾ ഇന്ത്യൻ സൈന്യത്തിന്റെ ആവശ്യങ്ങളെല്ലാം അവഗണിക്കുകയാണ് ചെയ്തതെന്നും എന്നാൽ, ഈ സർക്കാർ ഏറ്റവും കൂടുതൽ മുൻഗണന നൽകുന്നത് സൈന്യത്തിന്റെ ആവശ്യങ്ങൾക്കാണെന്നും പ്രധാനമന്ത്രി നരേന്ദ്രമോദി. ലോകത്തെ ഏറ്റവും നീളം കൂടിയ ടണലായ അടൽ ടണൽ രാജ്യത്തിന് സമർപ്പിച്ചതിനു ശേഷം ജനങ്ങളെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. മുൻ കോൺഗ്രസ്‌ സർക്കാർ ഈ പദ്ധതി കൃത്യസമയത്ത് പൂർത്തിയാക്കാതിരുന്നതിനെതിരെ പ്രധാനമന്ത്രി ശക്തമായ പ്രതിഷേധം രേഖപ്പെടുത്തുകയും ചെയ്‌തു.
രാജ്യത്തിന്റെ പ്രതിരോധ മേഖല കൂടുതൽ മെച്ചപ്പെടുത്തുന്നതിനായി ബി.ജെ.പി സർക്കാർ മുന്നോട്ട് വെച്ച മറ്റു പദ്ധതികൾ ചൂണ്ടിക്കാട്ടി മുൻ ഗവൺമെന്റിനു രാജ്യത്തിന്റെ ആവശ്യങ്ങൾ തിരിച്ചറിയാനോ, അവ നടപ്പിലാക്കാനോ ഉള്ള രാഷ്ട്രീയ ഇച്ഛാശക്തി ഇല്ലായിരുന്നുവെന്ന് അദ്ദേഹം അഭിപ്രായപ്പെട്ടു. മണാലിയും ലേയുമായി ബന്ധിപ്പിക്കുന്ന അടൽ ടണലിന്റെ ഉദ്ഘാടനം ഇന്ന് രാവിലെയാണ് പ്രധാനമന്ത്രി നരേന്ദ്രമോദി നിർവഹിച്ചത്.
Discussion about this post