ഡൽഹി: കൊവിഡിനെതിരെ പോരാട്ടം തുടർന്ന് രാജ്യം. ലോകത്ത് കൊവിഡ് രോഗമുക്തി നിരക്കിൽ ഇന്ത്യ ഒന്നാം സ്ഥാനത്ത് തുടരുന്നതായി കേന്ദ്ര ആരോഗ്യ മന്ത്രാലയം. ലോകത്ത് കൊവിഡ് മരണ നിരക്ക് ഏറ്റവും കുറഞ്ഞ രാജ്യവും ഇന്ത്യയാണെന്ന് ആരോഗ്യ മന്ത്രാലയം വ്യക്തമാക്കുന്നു. പ്രതിദിന പരിശോധനാ ശേഷി വർദ്ധിപ്പിച്ചതാണ് ഈ നേട്ടങ്ങൾക്ക് പിന്നിലെന്നാണ് മന്ത്രാലയത്തിന്റെ വിലയിരുത്തൽ.
83.34 ശതമാനമാണ് ഇന്ത്യയിലെ കൊവിഡ് രോഗമുക്തി നിരക്ക്. ഇതുവരെ 54 ലക്ഷത്തിലധികം പേരാണ് രാജ്യത്ത് രോഗമുക്തി നേടിയത്. 2020 ജനുവരിയിൽ പ്രതിദിന കൊവിഡ് പരിശോധനാ നിരക്ക് രാജ്യത്ത് ഒരെണ്ണം വീതമായിരുന്നു. എന്നാൽ ഇന്ന് അത് 7.7 കോടിയാണെന്നും ഇതാണ് രോഗവ്യാപന തോതും മരണ നിരക്കും നിയന്ത്രിക്കാൻ സഹായകമായതെന്നും വിദഗ്ധർ ചൂണ്ടിക്കാട്ടുന്നു.
രാജ്യത്തെ പ്രതിദിന കൊവിഡ് പോസിറ്റീവ് നിരക്ക് 8.32 ശതമാനമാണ്. രാജ്യത്ത് ആകെ വൈറസ് ബാധിതരുടെ എണ്ണം 64,73,545 ആണ്. 9,44,996 പേരാണ് നിലവിൽ ചികിത്സയിൽ കഴിയുന്നത്.
Discussion about this post