‘യൂ​ണി​ടാ​ക്കി​ന് ക​രാ​ര്‍ ല​ഭി​ച്ച​ത് ടെ​ന്‍​ഡ​ര്‍ വ​ഴി​യാ​ണെ​ന്ന​ത് ക​ള​വ്’; ലൈ​ഫ് മി​ഷ​ന്‍ പ​ദ്ധ​തി അ​ധോ​ലോ​ക ഇ​ട​പാ​ടാ​ണെ​ന്ന് ഹൈ​കോ​ട​തി​യില്‍ സി​.ബി.​ഐ

കൊ​ച്ചി: ലൈ​ഫ് മി​ഷ​ന്‍ പ​ദ്ധ​തി അ​ധോ​ലോ​ക ഇ​ട​പാ​ടാ​ണെ​ന്ന് ഹൈ​കോ​ട​തി​യി​ല്‍ സി.​ബി​.ഐ. മു​ഖ്യ​മ​ന്ത്രി​യു​ടെ മു​ന്‍ പ്രി​ന്‍​സി​പ്പ​ല്‍ സെ​ക്ര​ട്ട​റി എം. ​ശി​വ​ശ​ങ്ക​ര്‍ ലൈ​ഫ് മി​ഷ​ന്‍ ധാ​ര​ണാ​പ​ത്രം ഹൈ​ജാ​ക്ക് ചെ​യ്തുവെന്നും സി.ബി.ഐ കോടതിയെ അറിയിച്ചു. സി.ബി.ഐ അന്വേഷണത്തിനെതിരെ സംസ്ഥാനസര്‍ക്കാരും യൂണിടാക് ഉടമയും സമര്‍പ്പിച്ച ഹർജി പരിഗണിക്കവെയായിരുന്നു സി.ബി.ഐയുടെ വെളിപ്പെടുത്തല്‍.

ഗൂ​ഡാ​ലോ​ച​ന​യു​ടെ ഭാ​ഗ​മാ​യാ​ണ് പ​ണം വ​ന്ന​ത്. യൂ​ണി​ടാ​ക്കി​ന് ക​രാ​ര്‍ ല​ഭി​ച്ച​ത് ടെ​ന്‍​ഡ​ര്‍ വ​ഴി​യാ​ണെ​ന്ന​ത് ക​ള​വാ​ണെ​ന്നും സി​.ബി.​ഐ ചൂണ്ടിക്കാട്ടി.

റെഡ് ക്രസന്‍റില്‍ നിന്ന് യു.എ.ഇ കോണ്‍സുലേറ്റിന്‍റെ അക്കൗണ്ടിലേക്ക് പണം വരികയും അവിടെ നിന്നും യൂണിടാക്കിന് കൈമാറുകയുമായിരുന്നു. കേ​സി​ല്‍ യു.​വി. ജോ​സ് പ്ര​തി​യോ സാ​ക്ഷി​യോ ആ​കു​മോ​യെ​ന്ന​ത് ഇ​പ്പോ​ള്‍ പ​റ​യാ​നാ​കി​ല്ലെ​ന്നും സി​.ബി.​ഐ കോ​ട​തി​യെ ബോ​ധി​പ്പി​ച്ചു.

203 അ​പ്പാ​ര്‍​ട്ട്‌​മെ​ന്‍റു​ക​ളാ​ണ് ആ​ദ്യം തീ​രു​മാ​നി​ച്ച​ത്. പി​ന്നീ​ട് സ​ന്തോ​ഷ് ഈ​പ്പ​ന്‍ ഇ​ത് 100 ഉം ​പി​ന്നീ​ട് 130ഉം ​ആ​ക്കി. ഇ​ത് ലാ​ഭ​മു​ണ്ടാ​ക്കാ​നാ​ണ്. യൂ​ണി​ടാ​ക്കും റെ​ഡ്ക്ര​സന്‍റും ലൈ​ഫും ത​മ്മി​ലു​ള്ള കോ​ണ്‍​ട്രാ​ക്‌ട് പ​രി​ശോ​ധി​ക്ക​ണമെന്നും സി.ബി.ഐ കോടതിയില്‍ പറഞ്ഞു