കൊച്ചി: മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം ശിവശങ്കറിനെ എന്ഫോഴ്സ്മെന്റ് ഇന്ന് കോടതിയില്‍ ഹാജരാക്കും. ഏഴ് ദിവസത്തെ കസ്റ്റഡി കാലാവധി അവസാനിച്ച സാഹചര്യത്തിലാണ് നാടപടി. ശിവശങ്ക‍ര്‍ സമര്‍പ്പിച്ച ജാമ്യാപേക്ഷയും എറണാകുളം പ്രിന്‍സിപ്പല്‍ സെഷന്‍സ് കോടതി ഇന്ന് പരിഗണിക്കും. എന്നാല്‍ ലഭിച്ച തെളിവുകളുടെ അടിസ്ഥാനത്തില്‍ ശിവശങ്കറെ വീണ്ടും കസ്റ്റഡിയില്‍ വാങ്ങാന്‍ എന്ഫോഴ്സ്മെന്റ് അപേക്ഷ നല്‍കിയേക്കുമെന്നാണ് വിവരം.
ചോദ്യം ചെയ്യലില്‍ എം ശിവശങ്കറില്‍ നിന്ന് കിട്ടിയ പ്രധാന വിശദാംശങ്ങളും എന്ഫോഴ്സ്മെന്റ് ഡയറക്ടറേറ്റ് ഇന്ന് കോടതിയെ അറിയിക്കും. ഇതിനിടെ ഡോളര്‍ കടത്തുകേസില്‍ ശിവശങ്കറെ അറസ്റ്റ് ചെയ്യാന്‍ കസ്റ്റംസും നീക്കം തുടങ്ങിയിട്ടുണ്ട്.
എന്ഫോഴ്സ്മെന്റ് ചോദ്യം ചെയ്യലിന് ശേഷം നടപടികളിലേക്ക് കടക്കാനാണ് കസ്‌റ്റംസ് ആലോചിക്കുന്നത്.
Discussion about this post