ന്യൂഡൽഹി: കോവിഡ് മുക്തരിൽ ആശങ്ക സൃഷ്ടിച്ച് ഫംഗസ് ബാധയും. പ്രതിരോധശേഷി കുറവുള്ളവരെ മ്യൂക്കർമൈക്കോസിസ് ഫംഗസ് ആണ്‌ ബാധിക്കുന്നത്. ഈ ഫംഗസ് ബാധിച്ച് പത്തോളം പേർ മരിച്ചെന്നാണ് ഇപ്പോൾ പുറത്തു വരുന്ന വിവരങ്ങൾ.
ഡൽഹിയിൽ 13 പേർക്കും അഹമ്മദാബാദിൽ 44 പേർക്കുമാണ് ഈ ഫംഗസ് ബാധയേറ്റത്. നിരവധി പേർക്ക് കാഴ്ചശക്തി നഷ്ടമാവുകയും ഗുരുതര ആരോഗ്യ പ്രശ്നങ്ങളുണ്ടാവുകയും ചെയ്തിട്ടുണ്ട്. മ്യൂക്കർമൈക്കോസിസ് ഫംഗസ് പുതിയതല്ലെങ്കിലും ഇത്‌ തുടരെത്തുടരെ റിപ്പോർട്ട് ചെയ്യുന്നതാണ് ആശങ്ക നൽകുന്നത്. നേരത്തെ കോവിഡ് മുക്തി നേടിയയാളുടെ താടിയെല്ലിന് ഫംഗസ് ബാധ സ്ഥിരീകരിച്ചിരുന്നു.
ഫംഗസ് പിടിപെടാൻ സാധ്യതയുള്ളവരുടെ പട്ടികയിൽ കാൻസർ, പ്രമേഹം തുടങ്ങിയവയ്ക്ക് ചികിത്സ തേടിയവർ, അവയവമാറ്റ ശസ്ത്രക്രിയയ്ക്ക് വിധേയരായവർ തുടങ്ങിയവരും ഉൾപ്പെടുന്നുണ്ട്. കോവിഡ് ചികിത്സയുടെ ഭാഗമായി ആന്റിവൈറൽ മരുന്നുകളും സ്റ്റിറോയ്ഡുകളും കഴിക്കേണ്ടി വരുന്നത് പ്രതിരോധശേഷി കൂടുതൽ ദുർബലമാക്കും. മാസ്ക് ധരിക്കുക, ശുചിത്വം പാലിക്കുക, പ്രതിരോധശേഷി വർദ്ധിപ്പിക്കുക തുടങ്ങിയവയാണ് ഈ ഫംഗസ് ബാധിക്കാതിരിക്കാൻ പ്രധാനമായും ചെയ്യേണ്ടത്.
Discussion about this post