ഡല്ഹി: രാജ്യത്തിന് അന്നം നകുന്നവരെ ആക്ഷേപിക്കരുത്. തീവ്രവാദികളെ തീവ്രവാദികള് എന്നു തന്നെ വിളിക്കണം. തീവ്രവാദ സംഘടനകളെ കര്ഷക സംഘടനകളുമായി കൂട്ടിയോജിപ്പിക്കരുതെന്നും ബിജെപി വക്താവ് സംപിത് പത്ര പറഞ്ഞു.
ഡല്ഹിയില് നടന്ന പ്രതിഷേധവുമായി ബന്ധപ്പെട്ടാണ് ബിജെപി നേതാവിന്റെ പ്രസ്താവന. പ്രതിഷേധത്തിന്റെ മറവില് ഡല്ഹിയില് ഇന്ന് കലാപകാരികള് അഴിഞ്ഞാടുകായിരുന്നു. റിപ്പബ്ലിക് ദിനത്തില് കര്ഷക സംഘടനകളുടെ മറവില് രാജ്യദ്രോഹ ശക്തികളാണ് ഡല്ഹിയില് കലാപം അഴിച്ചുവിട്ടത്. ഔദ്യോഗിക കര്ഷക സംഘടനകള് പോലും ഡല്ഹിയില് ഇന്ന് നടന്ന കലാപത്തെ അപലപിച്ചിട്ടുണ്ട്. എന്നാല് കോണ്ഗ്രസും സിപിഎമ്മും പോലുള്ള സംഘടനകള് വസ്തുതകളെ മറച്ചുവെയ്ക്കുകയാണ്.
ഉറപ്പുകൾ ലംഘിച്ച് നടത്തിയ പ്രതിഷേധം തടയാൻ പോലീസ് ശ്രമിച്ചതോടെയാണ് അക്രമം പൊട്ടിപ്പുറപ്പെട്ടത്. ബാരിക്കേടുകൾ തകർത്തും പോലീസ് ഉദ്യോഗസ്ഥർക്ക് നേരെ ട്രാക്ടർ ഓടിച്ചു കയറ്റിയും അക്രമികൾ ഭീകരാന്തരീക്ഷം സൃഷ്ടിച്ചു. സ്ഥിഗതികൾ വഷളായതോടെ പോലീസിന് കണ്ണീർവാതകം പ്രയോഗിക്കേണ്ടി വന്നു. അക്രമങ്ങൾക്കിടെ പ്രതിഷേധക്കാർ പോലീസിന് നേരെ മാരകായുധങ്ങൾ പ്രയോഗിച്ചത്തിന് തെളിവായി നിരവധി ദൃശ്യങ്ങളാണ് പുറത്തുവന്നത്. വാളുകൾക്ക് പുറമെ ചിലർ തോക്ക് ഉപയോഗിച്ചതായും സൂചനയുണ്ട്. രാജ്യം റിപ്പബ്ലിക്ക് ദിനം ആഘോഷിക്കുമ്പോൾ നടന്ന അക്രമം ആസൂത്രിതമാണെന്ന് ഇതിലൂടെ വ്യക്തമായി കഴിഞ്ഞിരിക്കുകയാണ്.
Discussion about this post