തിരുവനന്തപുരം: ; സംസ്ഥാനത്ത് ബ്ലാക്ക് ഫംഗസ് ചികിത്സ പ്രതിസന്ധിയിലെന്ന് റിപ്പോർട്ട്. മരുന്ന ക്ഷാമം രൂക്ഷമായി തുടരുന്നതിനാലാണ് ഇത്. ലൈപോസോമല്‍ ആംഫോടെറിസിന്‍ എന്ന മരുന്ന് ചൊവ്വാഴ്ച വൈകീട്ട് എത്തുമെന്നാണ് കരുതിയെതെങ്കിലും ഇതുവരെ കിട്ടിയില്ല. ലൈപോസോമല്‍ ആംഫോടെറിസിന്‍ എന്ന ഇഞ്ചക്ഷനാണ് നിലവിൽ ക്ഷാമം നേരിടുന്നത്.
തിങ്കളാഴ്ച മുതലാണ് മരുന്ന് കിട്ടാനില്ലാത്ത സ്ഥിതിയുള്ളത്. സംസ്ഥാനത്ത് ഏറ്റവുമധികം ബ്ലാക്ക് ഫംഗസ് രോഗികള്‍ ചികിത്സയിലുള്ളത് കോഴിക്കോട് മെഡിക്കല്‍ കോളേജ് ആശുപത്രിയിലാണ്. 40 ഓളം പേരാണ് ഇവിടെ ചികിത്സയിലുള്ളത്.
ഇന്നലെ വൈകുന്നേരത്തോടെ മരുന്ന് എത്തിക്കുമെന്ന് മെഡിക്കല്‍ സര്‍വീസസ് കോര്‍പ്പറേഷന്‍ അറിയിച്ചിരുന്നെങ്കിലും എത്തിയില്ല. 50 വയല്‍ ആംഫോടെറിസിന്‍ മരുന്ന് മാത്രമാണ് എത്തിയത്. ലൈപോസോമല്‍ ആംഫോടെറിസിനും 50 വയലെങ്കിലും അടിയന്തരമായി വേണമെന്നാണ് അധികൃതര്‍ പറയുന്നത്.
നിലവിൽ ചികിത്സ മുടങ്ങാതിരിക്കാനായി ആംഫോടെറിസിന്‍ എന്ന മരുന്ന്, അളവ് ക്രമീകരിച്ച്‌ രോഗികള്‍ക്ക് നല്‍കി വരുന്നതായാണ് വിവരം.
Discussion about this post