പാലക്കാട്: ദേശീയപാതക്ക് സമീപം മമ്പറത്ത് ആര്‍.എസ്.എസ് പ്രവര്‍ത്തകന്‍ സഞ്ജിത്തിനെ കൊലപ്പെടുത്തിയ കേസില്‍ ജില്ലയിലെ പോപ്പുലര്‍ ഫ്രണ്ട്‌ ഓഫിസുകളില്‍ പൊലീസ് പരിശോധന. പട്ടാമ്പി, ഓങ്ങല്ലൂര്‍, ഒറ്റപ്പാലം, കൊപ്പം, വല്ലപ്പുഴ, ഷൊര്‍ണൂര്‍, ചെര്‍പ്പുളശ്ശേരി, പുതുനഗരം, പാറ, നെന്മാറ, പാലക്കാട് എന്നിവിടങ്ങളില്‍ എത്തിയ പ്രത്യേക അന്വേഷണസംഘം വിവരങ്ങള്‍ ശേഖരിച്ചു. കേസില്‍ എട്ടു പ്രതികളാണ് ആകെ ഉള്ളതെന്ന് പൊലീസ് പറഞ്ഞു. അഞ്ചുപേര്‍കൂടി ഇനിയും പിടിയിലാകാനുണ്ട്.
കൊഴിഞ്ഞാമ്പാറ അത്തിക്കോട് സ്വദേശി ജാഫര്‍ സാദിഖ് (31), നെന്മാറ അടിപ്പെരണ്ട സ്വദേശി അബ്ദുല്‍ സലാം (30), ഒറ്റപ്പാലം ചുനങ്ങാട് മനയ്‌ക്കല്‍ വീട്ടില്‍ നിസാര്‍ (നിഷാദ് -37) എന്നിവരാണ് ഇതുവരെ അറസ്‌റ്റിലായത്‌.
പ്രതികള്‍ കൊലപാതകത്തിന് ഉപയോഗിച്ച കാര്‍ പൊള്ളാച്ചിയില്‍ പൊളിച്ചുവിറ്റതായും കണ്ടെത്തിയിരുന്നു. ഇതിന് പുറമെ പ്രതികള്‍ രക്ഷപ്പെടാനുപയോഗിച്ച വാഹനങ്ങള്‍ പിടിച്ചെടുത്തിരുന്നു.
Discussion about this post