ന്യൂഡൽഹി ; മൊഹാലിയിലെ പഞ്ചാബ് പോലീസ് ഇന്റലിജൻസ് ആസ്ഥാനത്ത് നേരെ ആക്രമണം നടത്തിയ പ്രതിയെ എൻഐഎ അറസ്റ്റ് ചെയ്തു. റോക്കറ്റ് പ്രൊപ്പൽഡ് ഗ്രനേഡ് ആക്രമണം നടത്തിയ ദീപക് രങ്കയാണ് പിടിയിലായത്.
കാനഡ ആസ്ഥാനമായി പ്രവർത്തിക്കുന്ന ഭീകരമായ ലഖ്ബീർ സിംഗ് സന്ധു, പാക് ഭീകരൻ ഹർവീന്ദർ സിംഗ് സന്ധു എന്നിവരുമായി ഇയാൾക്ക് ബന്ധമുണ്ടെന്നാണ് വിവരം. ഇന്റലിജൻസ് ആസ്ഥാനത്തിന് നേരെ നടത്തിയ ആക്രമണം കൂടാതെ മറ്റ് ഭീകരവാദ പ്രവർത്തനങ്ങളിലും ഇയാൾക്ക് പങ്കുണ്ടെന്നും റിപ്പോർട്ടുകൾ പറയുന്നു. പാക് ഭീകരരിൽ നിന്ന് ഇയാൾക്ക് നിരന്തരം ഫണ്ടുകൾ ലഭിക്കുന്നതായും കണ്ടെത്തിയിട്ടുണ്ട്.
2022 മെയിലാണ് സംഭവം നടന്നത്. ആക്രമണത്തിൽ അന്താരാഷ്ട്ര ഭീകരർക്ക് ഉൾപ്പെടൈ ബന്ധമുണ്ടെന്ന് വ്യക്തമായതോടെ 2022, സെപ്റ്റംബർ 20 ന് എൻഐഎ കേസ് രജിസ്റ്റർ ചെയ്യുകയായിരുന്നു.
