ഫാഷന്‍ ഷോകള്‍ വ്യത്യസ്തതയുടെ അരങ്ങാണ്. വസ്ത്രത്തിലും മെയ്ക്ക്-അപ്പിലും ആശയങ്ങളിലും വൈവിധ്യം കൊണ്ടുവരാനുള്ള മത്സരമാണ് ഓരോ ഫാഷന്‍ ഷോകളിലും കാണുന്നത്. ഇങ്ങനെയൊരു വ്യത്യസ്തത കൊണ്ടുതന്നെയാണ് കഴിഞ്ഞിടെ നടന്ന കോപ്പന്‍ഹേഗന്‍ ഫാഷന്‍ വീക്കും ശ്രദ്ധിക്കപ്പെടുന്നത്. ടേബിളില്‍ ഇരുന്ന് ഭക്ഷണം കഴിച്ചുകൊണ്ടിരിക്കുകയായിരുന്ന മോഡല്‍ പെട്ടെന്നെഴുന്നേറ്റ് റാംപിലേക്ക് ചുവടുവെച്ചപ്പോള്‍ ഇരുന്ന ടേബിളിലെ ടേബിള്‍ ക്ലോത്തും അതിലിരുന്ന ഭക്ഷണവും ഒപ്പമങ്ങ് പോയി.
അബദ്ധം പറ്റിയതാണെന്ന് കരുതിയെങ്കില്‍ തെറ്റി. മോഡലിന്റെ വസ്ത്രത്തോട് ചേര്‍ത്തടിച്ചതായിരുന്നു ടേബിള്‍ ക്ലോത്ത്. വൈവിധ്യം കൊണ്ടുവരാനുള്ള ഡിസൈനറിന്റെയും മോഡലിന്റെയും പരിപാടി ആയിരുന്നു ഈ ടേബിള്‍ക്ലോത്ത് ഡ്രെസ്സെന്ന് ചുരുക്കം.
View this post on Instagram
സഹോദരങ്ങളായ ഡിസൈനര്‍മാര്‍ ഞഞ്ഞയും സൈമണ്‍ വിക്കുമാണ് കോപ്പന്‍ഹേഗന്‍ ഫാഷന്‍ വീക്കില്‍ തങ്ങളുടെ വിന്റര്‍ കളക്ഷന്‍ അവതരിപ്പിച്ചത്. ഇവരുടെ വസ്്ത്ര ബ്രാന്‍ഡായ (ഡി) വിഷന്‍ ഫാഷന്‍ ഷോയുടെ വീഡിയോയും തങ്ങളുടെ ഇന്‍സ്റ്റഗ്രാം പേജില്‍ പോസ്റ്റ് ചെയ്തിട്ടുണ്ട്. വീഡിയോയുടെ തുടക്കത്തില്‍ മോഡലായ സാറ ദാല്‍ ഒരു ടേബിളില്‍ അതിഥികള്‍ക്കൊപ്പം ഇരുന്ന് ഭക്ഷണം കഴിക്കുന്നതാണ് കാണുന്നത്. ടേബിളില്‍ ഭക്ഷണ പ്ലേറ്റുകളും മെഴുകുതിരികളും സിഗരറ്റ് കുറ്റികളും വൈന്‍ ഗ്ലാസുകളും കാണാം. പിങ്ക് നിറത്തിലുള്ള വസ്ത്രം ധരിച്ചിരിക്കുന്ന മോഡല്‍ പെട്ടെന്ന് ഗ്ലാസില്‍ സ്പൂണ്‍ കൊണ്ട് ശബ്ദമുണ്ടാക്കി അതിഥികളുടെ ശ്രദ്ധ ആകര്‍ഷിക്കുകയും പിന്നീട് റാംപിലേക്ക് ചടുലമായി നടക്കുകയും ചെയ്യുന്നു. കുറച്ചങ്ങ് നടക്കുമ്പോഴാണ് ടേബിള്‍ ക്ലോത്തും അതിലിരിക്കുന്ന ഭക്ഷണപ്ലേറ്റുകളുമെല്ലാം മോഡലിന്റെ വസ്ത്രത്തിന്റെ ഭാഗമാണെന്ന് കാണികള്‍ മനസിലാക്കുന്നത്.
Discussion about this post