പ്രധാനമന്ത്രി നരേന്ദ്രമോദിയുടെ വിദേശനയത്തേയും അഴിമതിക്കെതിരായ പോരാട്ടത്തേയും അഭിനന്ദിച്ച് ഒഡീഷ മുഖ്യമന്ത്രി നവീൻ പട്നായിക്. ഒഡീഷ ലിറ്റററി ഫെസ്റ്റിവലിൽ സംസാരിക്കവെയാണ് അദ്ദേഹം പ്രധാനമന്ത്രിയെ പ്രശംസിച്ചത്. രാജ്യത്തെ അഴിമതി വേരോടെ പിഴുതെറിയാനുള്ള അദ്ദേഹത്തിന്റെ ശ്രമങ്ങൾ അഭിനന്ദനാർഹമാണെന്നും നവീൻ പട്നായിക് പറയുന്നു
” ഞങ്ങൾക്ക് കേന്ദ്രവുമായി മികച്ച ബന്ധമാണുള്ളത്. കാരണം സംസ്ഥാനത്തിന്റെ വികസനമാണ് ഞങ്ങൾ ആഗ്രഹിക്കുന്നത്. അതുകൊണ്ട് തന്നെ വികസനത്തിന്റെ പാതയിൽ കേന്ദ്രത്തെ പങ്കാളിയാക്കേണ്ടത് അത്യാവശ്യമാണ്. പ്രധാനമന്ത്രി നരേന്ദ്രമോദിക്കും അദ്ദേഹത്തിന്റെ പ്രവർത്തനങ്ങൾക്കും പത്തിൽ എട്ടിൽ മാർക്ക് ഞാൻ നൽകും.കാരണം ഇപ്പോഴുള്ള കേന്ദ്രസർക്കാരിൽ അഴിമതി കുറവാണ്. വിദേശനയമുൾപ്പെടെ മികച്ച രീതിയിലാണ് അദ്ദേഹം നടപ്പാക്കുന്നത്. അഴിമതി വേരോടെ പിഴുതെറിയാനും നമ്മുടെ രാജ്യത്തെ ജനങ്ങളെ സേവിക്കാനുമാണ് അദ്ദേഹത്തിന്റെ ഓരോ നീക്കങ്ങളെന്നും നവീൻ പട്നായിക് പ്രശംസിച്ചു.
വനിതാ സംവരണ ബിൽ പാസാക്കിയതും മികച്ച തുടക്കമാണെന്ന് അദ്ദേഹം പറഞ്ഞു. ” ഇതൊരു പ്രധാന ചുവടു വയ്പ്പാണെന്നാണ് ഞാൻ കരുതുന്നത്. എന്റെ പാർട്ടി എപ്പോഴും സ്ത്രീകളുടെ മുന്നേറ്റത്തിനായി പ്രയത്നിച്ചിരുന്നു. തദ്ദേശ തിരഞ്ഞെടുപ്പിൽ 33 ശതമാനം സീറ്റുകൾ വനിതകൾക്കായി സംവരണം ചെയ്തുകൊണ്ടാണ് എന്റെ പിതാവ് ഇതിന് തുടക്കമിട്ടത്. ഞങ്ങളത് 50 ശതമാനമായി ഉയർത്തി. മിഷൻ ശക്തി എന്ന പേരിൽ 7 ദശലക്ഷത്തോളം സ്ത്രീകൾക്ക് സഹായങ്ങൾ നൽകുന്നുണ്ടെന്നും അദ്ദേഹം പറയുന്നു.
Discussion about this post