ന്യൂഡൽഹി: 2023-24 അക്കാദമിക് സെഷനിലേക്കുള്ള എംഫിൽ പ്രോഗ്രാമുകളിലേക്കുള്ള പ്രവേശനം നിർത്തിവയ്ക്കാൻ നിർദേശിച്ച് യുജിസി സെക്രട്ടറി മനീഷ് ജോഷി എല്ലാ സർവകലാശാലകൾക്കും കത്ത് നൽകി. യുജിസിയുടെ അംഗീകാരം ലഭിക്കാത്തതിനാൽ ഒരു സർവകലാശാലയും നൽകുന്ന എംഫിൽ പ്രോഗ്രാമുകളിൽ പ്രവേശനം നേടരുതെന്നും അദ്ദേഹം വിദ്യാർത്ഥികൾക്ക് മുന്നറിയിപ്പ് നൽകി.
2022 ഡിസംബർ 16ന് വിജ്ഞാപനം ചെയ്ത യുജിസി (മിനിമം സ്റ്റാൻഡേർഡ്സ് ആൻഡ് പ്രൊസീജേഴ്സ് ഫോർ അവാർഡ് ഓഫ് പിഎച്ച്ഡി ഡിഗ്രി) റെഗുലേഷൻസ്, 2022 ലെ 14-ാം വകുപ്പ് പ്രകാരമാണ് എംഫിൽ ബിരുദം റദ്ദാക്കാനുള്ള തീരുമാനമെടുത്തതെന്ന് കത്തിൽ പറയുന്നു.
പി.എച്ച്.ഡിക്ക് യു.ജി.സി നിബന്ധനകൾ പാലിക്കാനും 2023-24 അധ്യയന വർഷത്തേക്കുള്ള എം.ഫിൽ പ്രോഗ്രാമിലേക്കുള്ള പ്രവേശനം നിർത്താൻ അടിയന്തര നടപടികൾ സ്വീകരിക്കണമെന്ന് യു.ജി.സി സർവകലാശാലകളോട് അഭ്യർത്ഥിച്ചു. ചട്ടങ്ങൾ ലംഘിച്ചാൽ കർശനമായ നടപടികൾ സ്വീകരിക്കുമെന്നും യുജിസി മുന്നറിയിപ്പ് നൽകിയിട്ടുണ്ട്
Discussion about this post