കൊച്ചി: വിവാദ ഗായകൻ സൂരജ് സന്തോഷ് ഗായക സംഘടനയില് നിന്ന് രാജിവച്ചു. തനിക്ക് ഗായക സംഘടനാ ഒരു പിന്തുണയും നൽകുന്നില്ല എന്നതിനാലാണ് ഇതെന്ന് സൂരജ് സന്തോഷ് വ്യക്തമാക്കി.രാജ്യത്തിൻറെ അഭിമാന ഗായികയായ കെ എസ് ചിത്രക്കെതിരെ നടത്തിയ അപകീർത്തികരമായ പരാമർശങ്ങൾക്ക് സംഘടനയിൽ നിന്നും ഒരു പിന്തുണയും ലഭിച്ചിരുന്നില്ല. മറിച്ച് പൊതുജനങ്ങളുടെയും പ്രശസ്ത വ്യക്തിത്വങ്ങളുടെയും ഭാഗത്ത് നിന്നും വിമർശനം രൂക്ഷമാവുകയും ചെയ്തിരുന്നു. ഇത്തരം വിമർശനങ്ങളിൽ പിന്തുണച്ചില്ല എന്ന് കാണിച്ചാണ് ഗായക സംഘടനയിൽ നിന്നും സൂരജ് സന്തോഷ് രാജി വച്ചത്
ഏതാനും നാളുകള്ക്ക് മുന്പാണ് രാമക്ഷേത്ര പ്രതിഷ്ഠയുമായി ബന്ധപ്പെട്ട് ഒരു വീഡിയോ കെ എസ് ചിത്ര പങ്കിട്ടത്. പ്രതിഷ്ഠയുടെ അന്ന് എല്ലാ വീടുകളിലും രാമമന്ത്രം ജപിക്കണമെന്നും വീടുകളില് വിളക്ക് തെളിയിക്കണം എന്നും ചിത്ര ഭക്ത ജനങ്ങളോട് ആവശ്യപ്പെട്ടിരുന്നു. എന്നാൽ ഇതിനെതിരെ ഇടത് പക്ഷ രാഷ്ട്രീയം പിന്തുടരുന്നവരുടെ ഭാഗത്ത് നിന്നും വലിയ തോതിലുള്ള അധിക്ഷേപമാണ് ചിത്രക്ക് നേരിടേണ്ടി വന്നത്.
ഇതിനെ തുടർന്ന് ചിത്രക്ക് പിന്തുണയായി പല പ്രശസ്ത വ്യക്തിത്വങ്ങളും രംഗത്ത് വന്നിരുന്നു. നിങ്ങൾക്ക് രാമനാമം ഇഷ്ടമല്ലെങ്കിൽ നിങ്ങൾ അത് ചെയ്യണ്ട, അധിക്ഷേപിക്കുന്നത് എന്തിനാണ് എന്ന് ചോദിച്ചു കൊണ്ട് ശ്രീകുമാരൻ തമ്പി മുന്നോട്ട് വന്നത് ശ്രദ്ധേയമായിരുന്നു. ഇത്തരത്തിൽ പല കോണുകളിൽ നിന്നും വിമർശനങ്ങൾ സൂരജ് സന്തോഷിനെതിരെ വന്നതിൽ ഗായകൻ അസ്വസ്ഥനായിരുന്നു. പ്രസ്തുത വിഷയത്തിൽ തനിക്ക് ഒരു പിൻതുണയും ഗായകരുടെ സംഘടന നൽകിയില്ല എന്നാരോപിച്ചാണ് ഇപ്പോൾ സൂരജ് സന്തോഷ് രാജി വച്ചിരിക്കുന്നത്
Discussion about this post