ബൈക്കിൽ പത്രം ഇടാൻ എത്തിയ യുവാവാണ് ഇപ്പോൾ സോഷ്യൽ മീഡിയയിൽ താരം. ഫഹദ് ഫാസിലാണ് പത്രം ഇടാൻ എത്തിയത് എന്നാണ് പരക്കെയുള്ള സംസാരം. എന്നാൽ ശരിക്കും നടന്റെ അപരനാണ് എല്ലാവരെയും കബളിപ്പിച്ചത്. കുമ്പളങ്ങി നൈറ്റസ് സിനിമയിൽ ഫഹദ് അവതരിപ്പിച്ച ഷമ്മി എന്ന കഥാപാത്രത്തിനോടാണ് അപരന് സാമ്യമുള്ളത്.
ഫഹദ് ഫാസിൽ. വയനാട് മാനന്തവാടിയിൽ പത്രമിടാനായി വന്ന ഫഹദ് മച്ചാൻ,’- എന്ന കുറിപ്പിലാണ് വിഡിയോ പ്രചരിക്കുന്നത്. സിദ്ദിഖ് അസീസിയ എന്ന അക്കൗണ്ടിലാണ് വിഡിയോ പ്രത്യക്ഷപ്പെട്ടത്.ഹെൽമറ്റും കോട്ടും ധരിച്ച് ബൈക്കിൽ പത്ര വിതരണത്തിന് ഇറങ്ങിയതായിരുന്നു അപരൻ. കടയിൽ ചായ കുടിക്കാൻ ഇറങ്ങിയപ്പോഴാണ് ഫഹദ് ഫാസിനെ പോലെ ഉണ്ടെന്നുള്ള കാര്യം നാട്ടുകാർ ശ്രദ്ധിക്കുന്നത്.
വീഡിയോയിൽ ഫഹദ് ഫാസിലിനെ പോലെ തന്നെയുണ്ടെന്ന് വിഡിയോ എടുക്കുന്നയാൾ അപരനോട് പറയുന്നുണ്ട്. അപ്പോൾ അയാളുടെ മറുപടി ഒരു ചിരി മാത്രമായിരുന്നു. പേര് ചോദിച്ചപ്പോൾ വിജേഷ് എന്നാണ് മറുപടി നൽകിയത്. ചിരി ഷമ്മിയെ പോലെ തന്നെയാണെന്നും പെട്ടെന്നു കണ്ടാൽ ഫഹദ് ആണെന്നു തോന്നുമെന്നും വീഡിയോയിൽ പറയുന്നത് കേൾക്കാം.
രാവിലെ ചായകുടിക്കാൻ ഇറങ്ങിയപ്പോ പത്രം ഇട്ടിട്ട് ഒരാൾ പോകുന്നു നോക്കിയപ്പോ ഫഹദ്, ആദ്യം കണ്ടപ്പോ ഫഹദ് ഫാസിലിന്റെ ലൊക്കേഷനിൽ നിന്നും എടുത്ത വല്ല വീഡിയോ ആണെന്ന് വിചാരിച്ചു എന്നിങ്ങനെയുള്ള നിരവധി കമന്റുകളാണ് വീഡിയോക്ക് താഴെ ആളുകൾ കുറിക്കുന്നത്.
