തിരുവനന്തപുരം: എസ്എസ്എൽസി പരീക്ഷയുടെ ചൂടൻ ദിനങ്ങൾ എത്തി . പരീക്ഷ ആരംഭിക്കാൻ വെറും അഞ്ച് ദിവസങ്ങൾ മാത്രമാണുള്ളത്. മാർച്ച് നാലിനാണ് പരീക്ഷ തുടങ്ങുന്നത്. ഈ വർഷം 4,27,105 വിദ്യാർത്ഥികളാണ് എസ്എസ്എൽസി പരീക്ഷ എഴുതുന്നത്.
കേരളം – 2955, ഗൾഫ് മേഖല – ഏഴ്, ലക്ഷദ്വീപ് – ഒൻപത് ഉൾപ്പെടെ ആകെ 2971 കേന്ദ്രങ്ങളിലാണ് പരീക്ഷ നടക്കുക . റഗുലർ വിഭാഗം- 4,27,105 വിദ്യാർത്ഥികളാണ് ഇക്കുറി പരീക്ഷ എഴുതുന്നത്. പ്രൈവറ്റ് വിഭാഗം- 118 വിദ്യാർത്ഥികളുമാണ് എസ്എസ്എൽസി പരീക്ഷ എഴുതുക. തിരൂരങ്ങാടി പികെഎംഎച്ച്എസ് എടരിക്കോടാണ് ഏറ്റവും കൂടുതൽ വിദ്യാർത്ഥികൾ പരീക്ഷ എഴുതുന്ന കേന്ദ്രം. 2085 വിദ്യാർത്ഥികളാണ് ഇവിടെ പരീക്ഷ എഴുതുന്നത്.
മാർച്ച് ഒന്നു മുതലാണ് ഒന്നും രണ്ടും വർഷ ഹയർ സെക്കൻഡറി പരീക്ഷ നടക്കുക. മാർച്ച് 26 ന് അവസാനിക്കുകയും ചെയ്യും. ഒന്നാം വർഷം 4,14,159 വിദ്യാർത്ഥികളും രണ്ടാം വർഷം 4,41,213 വിദ്യാർത്ഥികളുമാണ് പരീക്ഷയെഴുതുന്നത്. 2017 പരീക്ഷ കേന്ദ്രങ്ങൾ ഹയർ സെക്കൻഡറി പരീക്ഷകൾക്കായി നിശ്ചയിച്ചിട്ടുണ്ട്. എസ്എസ്എൽസി ഹയർ സെക്കൻഡറി, വൊക്കേഷണൽ ഹയർസെക്കൻഡറി പരീക്ഷകളുടെ പരീക്ഷ ഫലം മെയ് രണ്ടാംവാരം പ്രസിദ്ധീകരിക്കും
Discussion about this post