എല്ലായിടത്തും ഇനി 4ജി ; വീട്ടിലിരുന്ന് ഇനി ബിഎസ്എൻഎൽ സിം ഓർഡർ ചെയ്യാം

ഉപഭോക്തക്കളെ വീണ്ടും വീണ്ടും ഞെട്ടിച്ചു കൊണ്ടിരിക്കുകയാണ് ബിഎസ്എൻഎൽ . 4 ജി നെറ്റ്‌വർക്ക് ബിഎസ്എൻഎൽ വ്യാപിപ്പിച്ചുവരികയാണ്. ബിഎസ്എൻഎല്ലിലേക്ക് പോർട്ട് ചെയ്യാനും പുതിയ 4ജി സിം എടുക്കാനും ആഗ്രഹിക്കുന്നവർക്ക് ഓൺലൈനായി സൗകര്യമൊരുക്കിയിരിക്കുകയാണ് ബിഎസ്എൻഎൽ.

ഇപ്പോൾ ബിഎസ്എൻഎൽ പുതിയ സിം എടുക്കണമെങ്കിൽ നേരിട്ട് ബിഎസ്എൻഎൽ ഓഫീസ് സന്ദർശികണമെന്നില്ല. LILO ആപ്പ് വഴി ബിഎസ്എൻഎല്ലിൻറെ പുതിയ 4ജി സിം കാർഡിന് ഓർഡർ നൽകാവുന്നതാണ്. ഈ ആപ്ലിക്കേഷനിൽ കയറി ബിഎസ്എൻഎൽ എന്ന ഓപ്ക്ഷൻ തിരഞ്ഞെടുത്താൽ അപ്ഗ്രേഡ് ടു 4ജി സിം, ഗെറ്റ് ന്യൂ സിം, പോർട്ട് ടു ബിഎസ്എൻഎൽ എന്നീ ഓപ്ഷനുകൾ കാണാം. പുതിയ 4ജി സിം ആണ് ആവശ്യമെങ്കിൽ ഓപ്ഷനിൽ ക്ലിക്ക് ചെയ്ത് അഡ്രസ് നൽകിയാൽ സിം വീട്ടിലേത്തും. സമാനമായി സിം ഓൺലൈനായി പോർട്ടും ചെയ്യാം.

മറ്റ് വഴിയും സിം ഓർഡർ ചെയ്യാം. 8891767525 എന്ന വാട്സ്ആപ്പ് നമ്പറിലേക്ക് ഒരു Hi അയച്ചാൽ മതിയാകും ഇതിനായി. ഇങ്ങനെ സിം ഓർഡർ ചെയ്യുമ്പോഴും ചാറ്റിൽ നിന്ന് ബിഎസ്എൻഎൽ എന്ന ഓപ്ഷനിൽ ക്ലിക്ക് ചെയ്ത് ആവശ്യമായ സർവീസ് സെലക്ട് ചെയ്താൽ ആപ്പിലെ പോലെ തന്നെ അപ്ഗ്രേഡ് സിം, ഗെറ്റ് ന്യൂ സിം, പോർട്ട് ടു ബിഎസ്എൻഎൽ എന്നീ മൂന്ന് സേവനങ്ങളും ലഭിക്കും.