തിരുവനന്തപുരം: 2024 ൽ നടന്ന ഖത്തർ ലോക കപ്പിൽ ഗോൾഡൻ ബൂട്ട് കിട്ടിയത് ആർക്കെന്ന ചോദ്യവുമായി വിദ്യാഭ്യാസ വകുപ്പ്. ഏഴാം ക്ലാസ് വിദ്യാർത്ഥികൾക്കുള്ള ചോദ്യത്തിലാണ് ഈ ഭീമൻ അബദ്ധം കടന്നു കൂടിയത്. എന്നാൽ ഓപ്ഷൻസ് ആയി നൽകിയ ഉത്തരങ്ങളും തെറ്റായിരുന്നു. എമ്ബാപ്പെ ആണ് ശരിയുത്തരം എന്നിരിക്കെ, മെസ്സി നെയ്മർ റൊണാൾഡോ, എമി മാർട്ടിനെസ് എന്നായിരുന്നു ചോദ്യ പേപ്പറിൽ ഉണ്ടായിരുന്നത്.
വലിയ അബദ്ധങ്ങളാണ് ഇത്തവണത്തെ ക്രിസ്തുമസ് പരീക്ഷയിൽ കടന്നു കൂടിയത് . ചോദ്യ പേപ്പർ ചോർച്ചയുടെ പശ്ചാത്തലത്തിൽ നടന്ന പരീക്ഷാ നടത്തിപ്പിൽ ഇത്രമാത്രം അബദ്ധങ്ങൾ കടന്നു വന്നത് വിദ്യാഭ്യാസ വകുപ്പിന്റെ അലംഭാവം കാരണമാണ് എന്ന വിമർശനമാണ് ഉയരുന്നത്.
രണ്ടാംക്ലാസിലെ കുട്ടികൾക്ക്, വരയ്ക്കുമ്പോൾ തവളയെ കിട്ടുമായിരുന്നെങ്കിലും മാർക്ക് താറാവ് എന്ന ഉത്തരത്തിന് കൊടുക്കാനായിരുന്നു നിർദേശം. ഒന്നാംക്ലാസിലെ കുട്ടികളെ പഴയലിപി മാത്രമേ പഠിപ്പിക്കാവൂ എന്ന് അധ്യാപകർക്ക് കർശനനിർദേശം നൽകിയിട്ടുണ്ടെങ്കിലും ചോദ്യപേപ്പറുകളെല്ലാം പുതിയ ലിപിയിലാണെന്നത് മറ്റൊരു വൈചിത്ര്യം
സമഗ്രശിക്ഷാ കേരളയാണ് ചോദ്യപേപ്പറുകൾ തയ്യാറാക്കുന്നത്.
