മലപ്പുറം : മലപ്പുറത്ത് ഒരു കോടി രൂപയുടെ കുഴൽപ്പണം പിടിയിൽ. വേങ്ങരയിൽ വെച്ച് പോലീസ് നടത്തിയ വാഹന പരിശോധനയിലാണ് ഒരു കോടി രൂപയുടെ കുഴൽപ്പണം പിടികൂടിയത്. സ്കൂട്ടറിന് മുന്നിൽ ചാക്കിൽ കെട്ടിവെച്ചും സീറ്റിനടിയിൽ സൂക്ഷിച്ച നിലയിലും ആയിരുന്നു കുഴൽപ്പണം കടത്തിയിരുന്നത്.
വേങ്ങരയിൽ ഓണത്തോടനുബന്ധിച്ച് പൊലീസ് വാഹന പരിശോധന നടത്തവേ കൂരിയാട് ദേശീയ പാതയിൽ അടിപ്പാതക്കു സമീപം വെച്ച് വരുവായിൽ നിന്നാണ് പണം പിടികൂടിയത്. സംഭവത്തിൽ പണം കടത്തിയ ഒരാളെ പോലീസ് അറസ്റ്റ് ചെയ്തു. കോഴിക്കോട് കൊടുവള്ളി സ്വദേശി മുഹമ്മദ് മുനീർ (39) ആണ് പിടിയിലായത്.
500 രൂപയുടെയും 200 രൂപയുടെയും കെട്ടുകളായാണ് പണം കടത്തിയിരുന്നത്. പണത്തിന്റെ ഉറവിടത്തെ സംബന്ധിച്ചും എവിടെ വിതരണം ചെയ്യാനാണുള്ളതാണ് എന്നത് സംബന്ധിച്ചും കൂടുതൽ അന്വേഷണം നടത്തിവരികയാണ്. പ്രതിയെയും പിടികൂടിയ കുഴൽപ്പണവും സാമ്പത്തിക കുറ്റാന്വേഷണ വിഭാഗത്തിന് കൈമാറുമെന്ന് വേങ്ങര പോലീസ് വ്യക്തമാക്കി.
Discussion about this post