ജനുവരി 25നുള്ളില്‍ ശബരിമലയില്‍ പ്രവേശിക്കുമെന്ന് തൃപ്തി ദേശായി. മഹാരാഷ്ട്രയില്‍ നിന്നും നൂറുകണക്കിനുപേര്‍ തനിക്കൊപ്പം ഉണ്ടാകും. കൂടാതെ കേരളത്തില്‍ നിന്നുളള നൂറുകണക്കിനുപേര്‍ അണിചേരുമെന്നും മാതൃഭൂമി ദിനപത്രത്തിന് അനുവദിച്ച അഭിമുഖത്തില്‍ അവര്‍ വ്യക്തമാക്കി. കേരളത്തിലെ പല സംഘടനകളില്‍ നിന്നും വലിയ പിന്തുണയാണ് തങ്ങള്‍ക്ക് ലഭിക്കുന്നത്.
സമാധാനമാര്‍ഗത്തിലായിരിക്കും ശബരിമലയിലേക്ക് പ്രവേശിക്കുക. ക്രമസനാധാനം പാലിച്ചായിരിക്കും തങ്ങളുടെ യാത്രയെന്നും തൃപ്തി ദേശായി പറയുന്നു നിയമം ലംഘിച്ച് യാത്ര തടസപ്പെടുത്തുന്നുവരെ കൈകാര്യം ചെയ്യേണ്ടത് ഭരണകൂടത്തിന്റെ ഉത്തരവാദിത്വമാണ്. തടസപ്പെടുത്തുമെന്നോ ആക്രമിക്കുമെന്നോയുളള ഭീഷണിയെ ഞങ്ങള്‍ ഭയപ്പെടുന്നില്ലെന്നും തൃപ്തി പറഞ്ഞു.
ഫോണിലൂടെയും സോഷ്യല്‍ മീഡിയയിലൂടെയും നൂറുകണക്കിന് ഭീഷണി സന്ദേശങ്ങളാണ് വരുന്നത്. നൂറിലേറെ ഭീഷണിക്കത്തുകള്‍ ഇതുവരെ കിട്ടി. കൊന്നുകളയുമെന്നാണ് ചില സന്ദേശങ്ങളിലെ ഉള്ളടക്കം. ഒരു മതത്തിനും ദൈവത്തിനും താന്‍ എതിരല്ലെന്നും താനൊരു മത-ദൈവ വിശ്വാസിയാണെന്നും തൃപ്തി ദേശായി വ്യക്തമാക്കുന്നു.
Discussion about this post