വളരുന്ന ലോകത്ത് മാലിന്യം ഒരു പ്രശ്‌നം തന്നെയാണ്. പൊതുസ്ഥലങ്ങള്‍ ശുചിയായി അത്യാവശ്യം തന്നെയാണ് ഇപ്പോഴിതാ ഹോങ്കോംഗ് ഡിസ്‌നിലാന്റില്‍ നിന്നുള്ള ഒരു വീഡിയോയാണ് പരിസര ശുചീകരണത്തിലെ പുത്തന്‍ മാതൃക പങ്കുവെച്ചിരിക്കുന്നത്. ഇവിടെ ഡസ്റ്റ്ബിന്‍ തേടി പോകേണ്ടതില്ല. സന്ദര്‍ശകര്‍ക്കിടയിലൂടെ സ്വയം ഉരുണ്ടെത്തി മാലിന്യത്തിന് വേണ്ടി കരയുന്ന തരത്തിലുള്ളതാണ് ഡസ്റ്റ്ബിന്‍.
തിരക്കേറിയ ആള്‍ക്കൂട്ടത്തിനിടെയിലൂടെ നീങ്ങി ഡസ്റ്റ്ബിന്‍’ ഒരു കുട്ടിയെ പോലെ കരയുന്നു. ഒപ്പം തനിക്ക് വിശക്കുന്നെന്നും എന്തെങ്കിലും മാലിന്യങ്ങളുണ്ടെങ്കില്‍ തരാനും ആവശ്യപ്പെട്ടുന്നു. ആദ്യത്തെ അനുഭവമായതിനാല്‍ ചിലര്‍ ഡെസ്റ്റ്ബിന്‍ ഉരുണ്ടെത്തുമ്പോള്‍ അകന്ന് മാറുന്നത് കാണാം. ഇതിനിടെ ഒരു യുവതി മുന്നോട്ട് വന്ന് തന്റെ കൈയിലെ ടിഷ്യൂ പേപ്പര്‍ വേസ്റ്റ് ബിനില്‍ നിക്ഷേപിക്കുന്നു. ഈ സമയം യുവതിക്ക് നന്ദി പറഞ്ഞ് ആ ടിഷ്യൂ പേപ്പര്‍ കഴിക്കുന്നത് പോലെ കുട്ടികള്‍ നുണയുന്ന ശബ്ദവും കേള്‍ക്കുന്നത് വീഡിയോയില്‍ കാണാം.
എന്നാല്‍ എല്ലാ കണ്ടെത്തലുകള്‍ക്കും ഒരു പ്രശ്‌നമുള്ളതുപോലെ ഇതിനുമുണ്ട്. സോഷ്യല്‍മീഡിയയില്‍ പങ്കുവെച്ച വീഡിയോ നെറ്റിസണ്‍സില്‍ പലരും ഇത് അസ്വസ്ഥജനകമാണെന്ന അഭിപ്രായം പങ്കുവെച്ചു, കൂടാതെ അര്‍ധരാത്രിയിലാണ് ഈ കാഴ്ച്ച കാണുന്നതെങ്കില്‍ എല്ലാവരുടെയും സ്ഥിതി ഒരു പോലെയായിരിക്കില്ലെന്നും അവര്‍ പറയുന്നു.
ചിലര്‍ ഡസ്റ്റ്ബിന്നിന്റെ ശബ്ദം എങ്ങനെയാണ് ഉപയോഗിച്ചിരിക്കുന്നതെന്ന് ചോദിച്ചു. സംസാരിക്കാനുള്ള എന്തെങ്കിലും പ്രോഗ്രാമാണോ അതോ ആരെങ്കിലും മൈക്കിലൂടെ റിമോട്ട് കണ്‍ട്രോള്‍ ചെയ്യുന്നതാണോ എന്നായിരുന്നു അവര്‍ക്ക് അറിയേണ്ടിയിരുന്നത്.
View this post on Instagram
